50 ಪೈಸೆ ವಸೂಲಾತಿಗೆ ನೋಟಿಸ್ ನೀಡಿದ ಬ್ಯಾಂಕ್

ಜುನ್ ಜುನ್, ರಾಜಸ್ತಾನ: 50 ಪೈಸೆ ಬಾಕಿ ಇರಿಸಿದ್ದ ಸಾಲಗಾರನೊಬ್ಬನಿಗೆ ಬ್ಯಾಂಕ್ ನೋಟಿಸ್ ಜಾರಿ ಮಾಡಿದೆ. ರಾಜಸ್ತಾನದ ಝುನ್ ಝುನ್ ಜಿಲ್ಲೆಯ ಕೇತ್ರಿ ಎಂಬಲ್ಲಿ ಈ ಘಟನೆ ವರದಿಯಾಗಿದೆ. ಜಿತೇಂದ್ರ ಸಿಂಗ್ ಎಂಬಾಂತ ಬ್ಯಾಂಕಿಗೆ 50 ಪೈಸೆ ಪಾವತಿಸದೇ ಸುಸ್ತಿದಾರನಾಗಿದ್ದ. ಲೋಕ ಅದಾಲತ್ ನಲ್ಲಿ ಕೂಡ ಭಾಗಿಯಾಗಿರಲಿಲ್ಲ. ಇದನ್ನು ಗಂಭೀರವಾಗಿ ಪರಿಗಣಿಸಿದ ಬ್ಯಾಂಕ್ ನೋಟಿಸ್ ಜಾರಿ ಮಾಡಿದೆ. ಆದರೆ ಬಳಿಕ ಜಿತೇಂದ್ರ ಸಿಂಗ್ 50  ಪೈಸೆ  ಪಾವತಿಸಲು ಬ್ಯಾಂಕ್ ಗೆ ತೆರಳಿದಾಗ ಸಿಬ್ಬಂದಿ ಅದನ್ನು ಸ್ವೀಕರಿಸಲಿಲ್ಲ ಎಂದು ಆತನ ಪರ ವಕೀಲ ವಿಕ್ರಂ ಸಿಂಗ್ ಆರೋಪಿಸಿದ್ದಾರೆ. ರಾಷ್ಟ್ರೀಕೃತ ಬ್ಯಾಂಕ್ ಶಾಖೆಯೊಂದು ಈ ನೋಟಿಸ್ ಜಾರಿಗೊಳಿಸಿತ್ತು.