ದೆಹಲಿಗೆ ವಾಯು ರಕ್ಷಣಾ ಕವಚ: ಶೀಘ್ರವೇ ಅಸ್ತಿತ್ವಕ್ಕೆ ಬರುವ ಸಾಧ್ಯತೆ

ನವದೆಹಲಿ: ಶತ್ರು ದೇಶಗಳ ಸಂಭಾವ್ಯ ಕ್ಷಿಪಣಿ ಮತ್ತು ಡ್ರೋಣ್ ದಾಳಿಯಿಂದ ನವದೆಹಲಿ ಮತ್ತು ಅತೀ ಗಣ್ಯ ವ್ಯಕ್ತಿಗಳನ್ನು ರಕ್ಷಿಸುವ ಸಂಬಂಧ ಜಾರಿಗೆ ತರಲಾಗುವ  ವಾಯು ರಕ್ಷಾ ಕವಚ ಸದ್ಯದಲ್ಲಿಯೇ ಕಾರ್ಯಾರಂಭ ಮಾಡಲಿದೆ. ಸಂಯುಕ್ತ ವಾಯು ಭದ್ರತಾ ವ್ಯವಸ್ಥೆ ಎಂದು ಇದಕ್ಕೆ ಹೆಸರಿಡಲಾಗಿದೆ. ಇದು ಅತ್ಯಾಧುನಿಕ ಕ್ಷಿಪಣಿ  ನಿರೋಧಕ ವ್ಯವಸ್ಥೆಯಾಗಿದೆ.  ಕ್ರೂಸ್ ಕ್ಷಿಪಣಿ,  ಡ್ರೋಣ್ ಸೇರಿದಂತೆ ಶತ್ರು ರಾಷ್ಟ್ರಗಳ ಕ್ಷಿಪಣಿ ದಾಳಿಯಿಂದ  ದೆಹಲಿ ನಾಗರಿಕರನ್ನು ಇದು ಸಂರಕ್ಷಿಸಲಿದೆ. ಅಮೆರಿಕದೊಂದಿಗೆ ಈ ಸಂಬಂಧ ಅಂತಿಮ ಮಾತುಕತೆ ನಡೆದಿದ್ದು, ಶೀಘ್ರವೇ  ಇದನ್ನು ಅಳವಡಿಸುವ ಸಾಧ್ಯತೆಗಳಿವೆ.  ದೆಹಲಿ ಏರಿಯಾ ರಕ್ಷಣಾ ಯೋಜನೆಯಡಿ ಪ್ರಸಕ್ತ  ರಷ್ಯಾದ ಭದ್ರತಾ ವ್ಯವಸ್ಥೆ ಬದಲಾಗಿ ಈ ನೂತನ ರಕ್ಷಣಾ ಕವಚ ಅಸ್ತಿತ್ವಕ್ಕೆ ಬರಲಿದೆ.