2023 ಕ್ಕೆ ದೇಶದ ಆರು ಮಾರ್ಗಗಳಲ್ಲಿ ಬುಲೆಟ್​ ರೈಲು​ ಸಂಚಾರ

ನವದೆಹಲಿ: 2023ರ ವೇಳೆಗೆ ದೇಶದಲ್ಲಿ ಆರು ಬುಲೆಟ್​ ರೈಲು​ಗಳು ಸಂಚಾರ ಆರಂಭಿಸಲಿದ್ದು, ಬೆಂಗಳೂರು, ಮೈಸೂರಿಗೂ ಬುಲೆಟ್ ರೈಲು ಸಂಪರ್ಕ ಕಲ್ಪಿಸಲಿದೆ.
ದೇಶದಲ್ಲಿ ಒಟ್ಟು ಆರು ಮಾರ್ಗಗಳಲ್ಲಿ ಬುಲೆಟ್​ ರೈಲು​ ಬಿಡುವ ಚಿಂತನೆ ನಡೆಸಲಾಗಿದ್ದು, ಅದರಲ್ಲಿ ವಾರಾಣಸಿ, ಅಹಮದಾಬಾದ್, ಮುಂಬೈ, ಜೈಪುರ, ಚೆನ್ನೈ, ಚಂಡೀಗಢ, ಅಮೃತ​ಸರ​ಗಳಲ್ಲಿ ಈ ರೈಲು ಸಂಚರಿಸಲಿದೆ.
ಒಟ್ಟು ಆರು ಬುಲೆಟ್​ ರೈಲು​ಗಳು ಭಾರತಕ್ಕೆ ಬರಲಿವೆ. ಡಿಪಿಆರ್​ ಸಿದ್ಧವಾದ ನಂತರ ಅದಕ್ಕೆ ಹಣ ಮಂಜೂರು ಮಾಡುವುದಾಗಿ ಸರ್ಕಾರ ತಿಳಿಸಿದೆ.
ಈ ಎಲ್ಲ ಮಾರ್ಗಗಳಲ್ಲಿ ಸಂಚಾರ ಮಾಡಲಿರುವ ರೈಲುಗಳು ಹೈ-ಸ್ಪೀಡ್​ (ಗಂಟೆಗೆ 300 ಕಿ.ಮೀ) ಅಥವಾ ಸೆಮಿ ಹೈ ಸ್ಪೀಡ್​ (ಗಂಟೆಗೆ 160-250 ಕಿ.ಮೀ) ವೇಗದಲ್ಲಿ ಸಂಚರಿಸಲಿವೆ.