ಕೇಂದ್ರ ಮುಂಗಡ ಪತ್ರ ಸಿದ್ದತೆಗೆ ಚಾಲನೆ: ನೆರವೇರಿದ ಹಲ್ವಾ ಸಮಾರಂಭ

ನವದೆಹಲಿ: 2020- 21ನೇ ಸಾಲಿನ ಕೇಂದ್ರ ಮುಂಗಡ ಪತ್ರ ಸಿದ್ದತೆ ಪ್ರಕ್ರಿಯೆಗೆ ಚಾಲನೆ ದೊರೆತಿದೆ. ಬಜೆಟ್ ಸಿದ್ದತೆ ಆರಂಭಿಸುವ ಸಂಕೇತವಾಗಿ ನಡೆಯುವ ಹಲ್ವಾ ಸಮಾರಂಭ ಇಂದು ನಡೆಯಿತು.  ಕೇಂದ್ರ ಹಣಕಾಸು ಸಚಿವೆ ನಿರ್ಮಲ ಸೀತಾರಾಮನ್, ಸಹಾಯಕ ಹಣಕಾಸು ಸಚಿವ  ಅನುರಾಗ್ ಠಾಕೂರ್ ಸೇರಿದಂತೆ ಹಣಕಾಸು ಸಚಿವಾಲಯದ ಹಿರಿಯ ಅಧಿಕಾರಿಗಳು ಇದರಲ್ಲಿ ಭಾಗವಹಿಸಿದರು.  ಬಜೆಟ್ ಗೌಪ್ಯತೆ ಕಾಪಾಡುವ ಸಂಬಂಧ ಬಜೆಟ್ ಸಿದ್ದತಾ ಪ್ರಕ್ರಿಯೆ ಕೊನೆಗೊಳ್ಳುವ ತನಕ ಈ ತಂಡದಲ್ಲಿರುವ ಅಧಿಕಾರಿಗಳು ನಾರ್ಥ್ ಬ್ಲಾಕ್ ನಲ್ಲಿ ವಾಸ್ತವ್ಯ ಹೂಡುತ್ತಾರೆ. ಹೊರ ಜಗತ್ತಿನೊಂದಿಗೆ ಯಾವುದೇ ವಿಧದಲ್ಲಿ ಈ  ಅವಧಿಯಲ್ಲಿ ಸಂಪರ್ಕ ಮಾಡುವುದನ್ನು ಕಟ್ಟುನಿಟ್ಟಾಗಿ ನಿಷೇಧಿಸಲಾಗಿದೆ.