ಕರೋನಾ ವೈರಸ್ ಹಾವಳಿ: ಮದುವೆ ಮುಂದೂಡಲು ಕೇರಳ ಸರ್ಕಾರ ಸಲಹೆ

ತಿರುವನಂತಪುರ:  ಕೇರಳದಲ್ಲಿ ಕರೋನಾ ವೈರಸ್ ನ ಎರಡು ಪ್ರಕರಣಗಳು ಪತ್ತೆಯಾಗಿರುವ ಹಿನ್ನೆಲೆಯಲ್ಲಿ ರಾಜ್ಯ ಸರ್ಕಾರ ಹಲವು ಮುಂಜಾಗ್ರತಾ ಕ್ರಮಗಳನ್ನು ತೆಗೆದುಕೊಂಡಿದೆ. ಕರೋನಾ ವೈರಸ್ ಹಿನ್ನೆಲೆಯಲ್ಲಿ  ವೈದ್ಯಕೀಯ ನಿಗಾದಲ್ಲಿರುವ ಕುಟುಂಬಗಳು ಮದುವೆ ಮೊದಲಾದ ಸಮಾರಂಭ ಮುಂದೂಡುವಂತೆ ಸರ್ಕಾರ ಸಲಹೆ ನೀಡಿದೆ. ಮದುವೆ ಸಂದರ್ಭದಲ್ಲಿ ಸಾವಿರಾರು ಮಂದಿ ಆಗಮಿಸುತ್ತಾರೆ. ಇದರಿಂದಾಗಿ ರೋಗ ಸುಲಭವಾಗಿ ಹರಡುವ ಸಾಧ್ಯತೆಗಳಿವೆ ಎಂದು ಆರೋಗ್ಯ ಇಲಾಖೆ ಎಚ್ಚರಿಕೆ ನೀಡಿದೆ.