ಕೇರಳ ಪ್ರವಾಸೋದ್ಯಮಕ್ಕೆ ಮಾರಕ ಹೊಡೆತ ನೀಡಿದ ಕೊರೋನಾ

ತಿರುವನಂತಪುರ: ಪ್ರವಾಹದಿಂದ ತತ್ತರಿಸಿ, ಇದೀಗ ತಾನೆ ಚೇತರಿಸಿಕೊಳ್ಳುತ್ತಿರುವ ಕೇರಳದ ಪ್ರವಾಸೋದ್ಯಮಕ್ಕೆ ಮಾರಕ ಕೊರೋನಾ ವೈರಸ್ ಮಾರಕ ಹೊಡೆತ ನೀಡಿದೆ. ಪ್ರವಾಸಿಗರು ಭೀತಿಯಿಂದ ಬುಕ್ ಮಾಡಿದ್ದ ರೂಮ್ ಗಳನ್ನೆಲ್ಲ ರದ್ದು ಮಾಡುತ್ತಿದ್ದಾರೆ. ಇದು ಕೇರಳದ ಆರ್ಥಿಕತೆಯ ಮೇಲೆ ದುಷ್ಪರಿಣಾಮ ಬೀರುವ  ಭೀತಿಯನ್ನು ರಾಜ್ಯ ಸರ್ಕಾರ ವ್ಯಕ್ತಪಡಿಸಿದೆ. ವೈರಸ್ ದಾಳಿಯಿಂದ ಭೀತಿಪಡಬೇಡಿ, ಕೇರಳ ಸುರಕ್ಷಿತ ರಾಜ್ಯ ಎಂಬ ಸಂದೇಶವನ್ನು ಸಾಮಾಜಿಕ ಜಾಲ ತಾಣಮೂಲಕ ಪ್ರಚಾರ ಪಡಿಸಲು ಕೇರಳ ಚಿಂತನೆ ನಡೆಸಿದೆ ಎನ್ನಲಾಗಿದೆ.