ಕೂಲಿ ಕಾರ್ಮಿಕನಿಗೆ ಒಲಿದ 12 ಕೋಟಿ ರೂಪಾಯಿ ಲಾಟರಿ

ಕಣ್ಣೂರು:  ಕೇರಳದಲ್ಲಿ  ಕೂಲಿ ಕಾರ್ಮಿಕನೊಬ್ಬ ನ  ಅದೃಷ್ಟ ಖುಲಾಯಿಸಿದೆ. ಕೇರಳ ರಾಜ್ಯ ಸರ್ಕಾರದ ಕ್ರಿಸ್ ಮಸ್ – ನೂತನ ವರ್ಷದ  ಲಾಟರಿ ಖರೀದಿಸಿದ ವ್ಯಕ್ತಿಯೊಬ್ಬರಿಗೆ 12 ಕೋಟಿ ರೂಪಾಯಿ ಬಹುಮಾನವಾಗಿ ಬಂದಿದೆ. ಕೂಲಿ ಕಾರ್ಮಿಕ ಪಿ. ರಾಜನ್ ಎಂದಿನಂತೆ ಈ ಬಾರಿ ಕೂಡ ಲಾಟರಿ ಖರೀದಿಸಿದ್ದರು. ಇದೀಗ ಅವರು ಖರೀದಿಸಿದ ಲಾಟರಿಗೆ ಮೊದಲ ಬಹುಮಾನ ದೊರೆತಿದೆ.  ಆದಾಯ ತೆರಿಗೆ ಹಾಗೂ ಇತರ ತೆರಿಗೆ ಬಳಿಕ 7.2  ಕೋಟಿ ರೂಪಾಯಿ ಅವರಿಗೆ ದೊರೆಯಲಿದೆ. ರಾಜನ್ ಕೂಲಿ ಕಾರ್ಮಿಕರಾಗಿ ದುಡಿಯುತ್ತಿದ್ದರು. ನನಗೆ ಬಂದ ಹಣದಲ್ಲಿ ಸ್ವಲ್ಪ ಹಣವನ್ನು ನನ್ನಂತೆ ಕಷ್ಟದಲ್ಲಿರುವ ಜನರಿಗೆ ನೀಡುತ್ತೇನೆ. ಆದರೆ ದುಂದು ವೆಚ್ಚ ಮಾಡುವುದಿಲ್ಲ ಎಂದು ರಾಜನ್ ಹೇಳಿದ್ದಾರೆ.