ಭಾರತಕ್ಕೆ ಹರಿದು ಬರುತ್ತಿದೆ ನಕಲಿ ಕರೆನ್ಸಿ: ದಾವೂದ್ ಇಬ್ರಾಹಿಂ ಸೂತ್ರಧಾರ ಎಂದ ಈಜಾಜ್ ಲಕಡ್ ವಾಲ್

ಮುಂಬೈ:  ಪೊಲೀಸರ  ವಶದಲ್ಲಿರುವ ಗ್ಯಾಂಗ್ ಸ್ಟರ್ ಈಜಾಜ್ ಲಕಡ್ ವಾಲ್  ವಿಚಾರಣೆ ಸಂದರ್ಭದಲ್ಲಿ ಹಲವು ಸ್ಪೋಟಕ ಮಾಹಿತಿಗಳನ್ನು ಬಹಿರಂಗಪಡಿಸಿದ್ದಾನೆ. ಭೂಗತ ಪಾತಕಿ ದಾವೂದ್ ಇಬ್ರಾಹಿಂ ನೇಪಾಳದಲ್ಲಿ ಉತ್ತಮ ನೆಲೆ ಹೊಂದಿದ್ದಾನೆ. ಈ ಬೆಂಬಲದೊಂದಿಗೆ ಆತ ಭಾರತ ವಿರೋಧಿ ಚಟುವಟಿಕೆಗಳನ್ನು ನಡೆಸುತ್ತಿದ್ದಾನೆ. ಮುಖ್ಯವಾಗಿ ನೇಪಾಳ ಗಡಿಯ ಮೂಲಕ ಭಾರತದ ನಕಲಿ ಕರೆನ್ಸಿ ನೋಟುಗಳನ್ನು ದೇಶಕ್ಕೆ ಸಾಗಿಸುತ್ತಿದ್ದಾನೆ. ಕಾಠ್ಮಂಡುವಿನಲ್ಲಿರುವ ಪಾಕ್ ರಾಯಭಾರಿ ಕಚೇರಿಯ ಕೆಲವು ಅಧಿಕಾರಿಗಳು ಇದಕ್ಕೆ ಆತನಿಗೆ ಸಾಥ್ ನೀಡುತ್ತಿದ್ದಾರೆ ಎಂದು ಲಕಡ್ ವಾಲ ಆರೋಪಿಸಿದ್ದಾನೆ. ಪಾಕಿಸ್ತಾನದಲ್ಲಿ ದಾವೂದ್ ಇಬ್ರಾಹಿಂ ವಾಸ್ತವ್ಯ ಹೂಡುತ್ತಿರುವ ಪ್ರಮುಖ ಮೂರು ಮನೆಗಳ ವಿಳಾಸಗಳನ್ನು  ಕೂಡ ಲಕಡ್ ವಾಲ್ ವಿಚಾರಣೆ ಸಂದರ್ಭದಲ್ಲಿ ಬಹಿರಂಗಪಡಿಸಿದ್ದಾನೆ ಎಂದು ವರದಿಯಾಗಿದೆ.