ಪೈಲಟ್​ಗಳ ಪ್ರೀತಿಯ ‘ಬಹಾದ್ದೂರ್​’ ಮಿಗ್​-27 ವಿದಾಯ

ದೆಹಲಿ: ಪೈಲಟ್​ಗಳು ಪ್ರೀತಿಯಿಂದ ‘ಬಹಾದ್ದೂರ್​’ ಎಂದು ಹೆಸರಿಟ್ಟಿದ್ದ ಮಿಗ್​-27 ಯುದ್ಧ ವಿಮಾನ ಇಂದು ತನ್ನ ಹಾರಾಟವನ್ನು ಕೊನೆಗೊಳಿಸಿತು.
‘ಕಾರ್ಗಿಲ್ ಯುದ್ಧ ವೀರ’ ಎನಿಸಿಕೊಂಡಿದ್ದ ಯುದ್ಧರಂಗದಲ್ಲಿ 40 ವರ್ಷಗಳಿಂದ ಭಾರತೀಯ ವಾಯುಸೇನೆಯಲ್ಲಿತ್ತು. ಇಂದು ಜೋಧ್​ಪುರದಲ್ಲಿ ಏರ್​ಬೇಸ್​ನಲ್ಲಿ ತನ್ನ ಕೊನೇ ಹಾರಾಟ ನಡೆಸಿ ನಿವೃತ್ತಿಗೊಂಡಿತು. ಈ ವೇಳೆ ಮಿಗ್​-27 ಯುದ್ಧ ವಿಮಾನಕ್ಕೆ ಏರ್​ಫೋರ್ಸ್​ ಸಿಬ್ಬಂದಿ ಸೆಲ್ಯೂಟ್​ ಮಾಡಿ, ನೀರು ಹಾರಿಸುವ ಮೂಲಕ ಬೀಳ್ಕೊಟ್ಟರು.
ಮಿಗ್​-27 ಯುದ್ಧ ವಿಮಾನವನ್ನು 1982ರಲ್ಲಿ ರಷ್ಯಾದಿಂದ ಖರೀದಿಸಲಾಗಿತ್ತು. ಏಳು ಮಿಗ್​-27 ಯುದ್ಧ ವಿಮಾನಗಳು ಇಂದು ನಿವೃತ್ತವಾಗಿವೆ. ಅವೆಲ್ಲವುಗಳನ್ನೂ ನಿಷ್ಕ್ರಿಯಗೊಳಿಸಲಾಗಿದ್ದು ಇನ್ನು ಮುಂದೆ ದೇಶದ ಯಾವುದೇ ಭಾಗಗಳಲ್ಲೂ ಈ ವಿಮಾನಗಳು ಹಾರಾಡುವುದಿಲ್ಲ ಎಂದು ರಕ್ಷಣಾ ವಕ್ತಾರ ಕರ್ನಲ್​ ಸೋಂಬಿತ್​ ಘೋಷ್​ ತಿಳಿಸಿದ್ದಾರೆ.