ಕಾಶ್ಮೀರ ಪೋಸ್ಟರ್ ವಿವಾದ: ಪ್ರಕರಣ ಕೈ ಬಿಡಲು ಪೊಲೀಸರ ಚಿಂತನೆ

ಮುಂಬೈ:  ಪೌರತ್ವ ಕಾನೂನು ತಿದ್ದುಪಡಿ ವಿರೋಧಿ ಹೋರಾಟದ ಸಂದರ್ಭದಲ್ಲಿ ಪ್ರದರ್ಶಿಸಲಾದ ಫ್ರೀ ಕಾಶ್ಮೀರ ಫಲಕ ಕುರಿತ ಪ್ರಕರಣ ಕೊನೆಗೊಳಿಸಲು ಮುಂಬೈ ಪೊಲೀಸರು ಚಿಂತನೆ ನಡೆಸಿದ್ದಾರೆ. ಈ ಸಂಬಂಧ ಅಗತ್ಯ ಕಾನೂನು ಸಲಹೆ ಪಡೆದು ಅಂತಿಮ ನಿರ್ಧಾರ ತೆಗೆದುಕೊಳ್ಳುವ ಸಾಧ್ಯತೆ ಹೆಚ್ಚಾಗಿದೆ.  ಜನವರಿ 7ರಂದು ನಡೆದ ಪ್ರತಿಭಟನೆ ಸಂದರ್ಭದಲ್ಲಿ ಮೆಹರ್ ಮಿರ್ಜಾ ಪ್ರಭು ಎಂಬ ಯುವತಿ ಈ ವಿವಾದಾತ್ಮಕ ಫಲಕ ಪ್ರದರ್ಶಿಸಿದ್ದಳು. ಇದು ತೀವ್ರ  ಆಕ್ರೋಶಕ್ಕೆ ಕಾರಣವಾಗಿತ್ತು. ಯುವತಿಯ ಸಾಮಾಜಿಕ ಜಾಲ ತಾಣಗಳ ಅಕೌಂಟ್ ಗಳನ್ನು ಪರಿಶೀಲನೆ ನಡೆಸಲಾಗಿದೆ. ಈ ಸಂಬಂಧ ಯಾವುದೇ ದುರುದ್ದೇಶ ಚಟುವಟಿಕೆ ಪತ್ತೆಯಾಗಿಲ್ಲ. ಇದನ್ನೆಲ್ಲ ಪರಿಗಣಿಸಿ ಈ ನಿರ್ಧಾರಕ್ಕೆ ಬರಲಾಗಿದೆ ಎಂದು ವರದಿಯಾಗಿದೆ.