ಟ್ರಂಪ್ ಅಹಮ್ಮದಾಬಾದ್ ಭೇಟಿಗೆ ಅಭೂತಪೂರ್ವ ಭದ್ರತೆ: ಪಾನ್ ಅಂಗಡಿಗಳಿಗೆ ಬೀಗ

ಅಹಮ್ಮದಾಬಾದ್:  ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಭೇಟಿ ಹಿನ್ನೆಲೆಯಲ್ಲಿ  ಅಹಮ್ಮದಾಬಾದ್ ನಲ್ಲಿ  ಅಭೂತಪೂರ್ವ ಭದ್ರತಾ ವ್ಯವಸ್ಥೆ ಕೈಗೊಳ್ಳಲಾಗಿದೆ. ಟ್ರಂಪ್ ಭೇಟಿ ನೀಡುವ ಎಲ್ಲ ಪ್ರದೇಶಗಳಲ್ಲಿ ಹದ್ದಿನ ಕಣ್ಣು ಇರಿಸಲಾಗಿದೆ. ಮುಖ್ಯವಾಗಿ ನಮಸ್ತೆ ಟ್ರಂಪ್ ಕಾರ್ಯಕ್ರಮ ನಡೆಯಲಿರುವ ಮೊಟೇರಾ ಕ್ರೀಡಾಂಗಣದಲ್ಲಿ   ಗರಿಷ್ಟ ಮುನ್ನೆಚ್ಚರಿಕೆ ವಹಿಸಲಾಗಿದೆ. ಈ ಮಧ್ಯೆ ನಗರದ ಸೌಂದರ್ಯ ಕಾಪಾಡಲು ಟ್ರಂಪ್ ಭೇಟಿ ನೀಡುವ ಪ್ರದೇಶಗಳಲ್ಲಿನ  ಪಾನ್ ಅಂಗಡಿಗಳಿಗೆ ಬೀಗ ಜಡಿಯಲಾಗಿದೆ. ಎಲ್ಲೆಂದರಲ್ಲಿ ಉಗುಳುವುದನ್ನು ತಪ್ಪಿಸಲು ಈ  ಕ್ರಮ ಕೈಗೊಳ್ಳಲಾಗಿದೆ.