ರಾಜೀವ್ ಗಾಂಧಿ ಖೇಲ್ ರತ್ನ ಪ್ರಶಸ್ತಿಗೆ ಹಾಕಿ ಪಟು ರಾಣಿ ಹೆಸರು ಶಿಫಾರಸು

ನವದೆಹಲಿ: ಪ್ರತಿಷ್ಠಿತ ರಾಜೀವ್ ಗಾಂಧಿ ಖೇಲ್ ರತ್ನ ಪ್ರಶಸ್ತಿಗೆ ಭಾರತದ ಮಹಿಳಾ ಹಾಕಿ ತಂಡದ ನಾಯಕಿ ರಾಣಿ  ರಾಮ್ ಪಾಲ್ ಅವರ ಹೆಸರನ್ನು  ಭಾರತ ಹಾಕಿ ಫೆಡರೇಷನ್ ಸೂಚಿಸಿದೆ. ಅರ್ಜುನ ಪ್ರಶಸ್ತಿಗೆ  ಹಾಕಿ ಪಟುಗಳಾದ  ವಂದನಾ ಕತಾರಿಯಾ, ಮೋನಿಕಾ ಮತ್ತು ಹರ್ಮನ್  ಪ್ರೀತ್  ಸಿಂಗ್ ಹೆಸರನ್ನು ಹಾಕಿ ಫೆಡರೇಷನ್ ಶಿಫಾರಸು ಮಾಡಿದೆ. ಕಳೆದ ಮೂರು ವರ್ಷಗಳಿಂದ ಭಾರತ ಮಹಿಳಾ ಹಾಕಿ ತಂಡದ ನಾಯಕಿಯಾಗಿದ್ದಾರೆ ರಾಣಿ, 2017ರಲ್ಲಿ ಏಷ್ಯಾ ಕಪ್, 2018ರಲ್ಲಿ  ಏಷ್ಯನ್  ಗೇಮ್ಸ್ ನಲ್ಲಿ   ರಾಣಿ ನೇತೃತ್ವದ ಹಾಕಿ ತಂಡ ಬೆಳ್ಳಿ ಪದಕ ಗಳಿಸಿತ್ತು. ರಾಣಿ ರಾಮ್ ಪಾಲ್ ಅವರ ಸಾಧನೆಯಿಂದಾಗಿ ಭಾರತ ಮಹಿಳಾ ಹಾಕಿ ತಂಡ ಟೋಕಿಯೊ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಆಡುವ ಅರ್ಹತೆ ಪಡೆದಿದೆ.  2016 ಜನವರಿ 1ರಿಂದ 2019 ಡಿಸೆಂಬರ್ 31ರ ವರೆಗಿನ ಸಾಧನೆಯನ್ನು  ರಾಜೀವ್ ಗಾಂಧಿ ಖೇಲ್ ರತ್ನ ಪ್ರಶಸ್ತಿಗೆ ಮಾನದಂಡವಾಗಿ ಪರಿಗಣಿಸಲಾಗುತ್ತಿದೆ. ರಾಣಿ ಅವರಿಗೆ 2016ರಲ್ಲಿ ಅರ್ಜುನ ಪ್ರಶಸ್ತಿ ಮತ್ತು 2020ರಲ್ಲಿ ಪದ್ಮ ಶ್ರೀ ಪ್ರಶಸ್ತಿ ನೀಡಿ ಗೌರವಿಸಲಾಗಿತ್ತು