ದಿನಗೂಲಿ ನೌಕರನಿಗೆ ಕೋಟಿ ರೂಪಾಯಿ ವಾವತಿಸಲು ಆದಾಯ ಇಲಾಖೆ ನೋಟಿಸ್

ಮುಂಬೈ:  ಮೂವತೈದು ವರ್ಷದ ಬಾಬು ಸಾಹೇಬ್ ದಿನಗೂಲಿ ನೌಕರ.  ಕೊಳಗೇರಿಯಲ್ಲಿ ಪತ್ನಿ ಮತ್ತು ಮೂವರು ಮಕ್ಕಳೊಂದಿಗೆ ವಾಸ.  ಮುಂಬೈನ ಕಲ್ಯಾಣ್ ಸಮೀಪದ ಅಂಬಿವಿಲಿ ನಿವಾಸಿ. ಆದರೆ ಆತ ಎಲ್ಲರ ದೃಷ್ಟಿಯಲ್ಲಿ ಕೋಟ್ಯಾಧಿಪತಿ. ಆದಾಯ ತೆರಿಗೆ ಬಾಬು ಸಾಹೇಬ್ ಅಹಿರೆ ಗೆ ನೋಟಿಸ್ ಜಾರಿ ಮಾಡಿದ್ದು, 1 ಕೋಟಿ ರೂಪಾಯಿ ಪಾವತಿಸುವಂತೆ ಸೂಚಿಸಿದೆ. ದೇಶದಲ್ಲಿ ಹಣದ ಅಪಮೌಲ್ಯವಾದ ಸಂದರ್ಭದಲ್ಲಿ  2016 ನವೆಂಬರ್ ತಿಂಗಳಲ್ಲಿ ಬಾಬು ಸಾಹೇಬ್ ಅಕೌಂಟ್ ಗೆ  58 ಲಕ್ಷ ರೂಪಾಯಿ ಠೇವಣಿಯಾಗಿ ಬಂದಿತ್ತು ಎಂಬುದು ಆದಾಯ ತೆರಿಗೆ ಇಲಾಖೆ ವಾದ. ತಮ್ಮ ಜೀವನದಲ್ಲಿ ಇದುವರೆಗೂ 50 ಸಾವಿರ ರೂಪಾಯಿ ಒಟ್ಟಿಗೆ ನೋಡಿರದ ಬಾಬು ಸಾಹೇಬ್ ಆತಂಕಕ್ಕೆ ಒಳಗಾಗಿದ್ದಾರೆ. ಈ ಸಂಬಂಧ ಪೊಲೀಸರಿಗೆ ದೂರು ನೀಡಿದ್ದು, ತನಿಖೆ ಮುಂದುವರಿದಿದೆ.