ಆದಾಯ ತೆರಿಗೆ ದಾಳಿ: ಮುಂದುವರಿದ ನಟ ವಿಜಯ್ ವಿಚಾರಣೆ

ಚೆನ್ನೈ: ಖ್ಯಾತ ತಮಿಳು ನಟ ವಿಜಯ್ ಮನೆ ಮೇಲೆ ದಾಳಿ ನಡೆಸಿರುವ ಆದಾಯ ತೆರಿಗೆ ಅಧಿಕಾರಿಗಳು ವಿಚಾರಣೆ ಮುಂದುವರಿಸಿದ್ದಾರೆ. ಇಂದು ಮುಂಜಾನೆ 2.30ರ ತನಕ ಕೂಡ ವಿಚಾರಣೆ ನಡೆಸಲಾಗಿದ್ದು, ಬೆಳಿಗ್ಗೆ ಮತ್ತೆ ಪುನಾರಂಭವಾಗಲಿದೆ ಎಂದು ಮೂಲಗಳು ಹೇಳಿವೆ. ವಿಜಯ್ ಇತ್ತೀಚೆಗೆ ನಟಿಸಿದ್ದ ಬಿಗಿಲ್ ಸಿನೆಮ ಸೂಪರ್ ಹಿಟ್ ಆಗಿತ್ತು. ಈ ಸಂಬಂಧ ತೆರಿಗೆ ವಂಚನೆ ನಡೆದಿದೆ ಎಂದು ಹೇಳಲಾಗುತ್ತಿದೆ. ಅಲ್ಲದೇ ತಮ್ಮ ಸಿನೆಮಾಗಳಲ್ಲಿನ ವಿವಾದಾಸ್ಪದ ಸಂಭಾಷಣೆಗಳಿಂದಾಗಿ ವಿಜಯ್ ಕೆಲವು ರಾಜಕೀಯ ಪಕ್ಷಗಳ ಕೆಂಗಣ್ಣಿಗೆ ಕೂಡ ಗುರಿಯಾಗಿದ್ದರು.