ಕೊಚ್ಚಿ ತಲುಪಿದ ಐಎನ್ಎಸ್ ಜಲಾಶ್ವ ಹಡಗು

ಕೊಚ್ಚಿ: ಮಾಲಿ ದ್ವೀಪದಲ್ಲಿ ಸಿಲುಕಿದ್ದ 698 ಭಾರತೀಯರನ್ನು ಕರೆ ತಂದಿರುವ ಐಎನ್ ಎಸ್ ಜಲಾಶ್ವ ನೌಕೆ ಕೊಚ್ಚಿ ಬಂದರು ತಲುಪಿದೆ. ವಿದೇಶದಲ್ಲಿ ಸಂಕಷ್ಟಕ್ಕೆ ಗುರಿಯಾಗಿರುವ ಭಾರತೀಯರನ್ನು ಕರೆ ತರುವ ಸಮುದ್ರ ಸೇತು ಯೋಜನೆಯಡಿಯಲ್ಲಿ ಇವರನ್ನು ಕರೆ ತರಲಾಗಿದೆ. ಐಎನ್ ಎಸ್ ಜಲಾಶ್ವ ಭಾರತದ ನೌಕಾಪಡೆಗೆ ಸೇರಿದ ಹಡಗು. 800ಕ್ಕೂ ಹೆಚ್ಚು ಮಂದಿಗೆ ಪ್ರಯಾಣಿಸಲು ಸಾಧ್ಯವಿದ್ದರೂ ಸಾಮಾಜಿಕ ಅಂತರ ಖಾತರಿಪಡಿಸಲು ಕಡಿಮೆ ಸಂಖ್ಯೆಯ ಪ್ರಯಾಣಿಕರನ್ನು ಕರೆ ತಂದಿದೆ. ಕೊಚ್ಚಿ ಬಂದರಿನಲ್ಲಿ ಸಮಗ್ರ ವೈದ್ಯಕೀಯ ಪರೀಕ್ಷೆ ನಡೆಸಿದ ಬಳಿಕ ಪ್ರಯಾಣಿಕರನ್ನು ಕ್ವಾರಂಟೈನ್ ಕೇಂದ್ರಕ್ಕೆ ಕರೆದೊಯ್ಯಲಾಗುವುದು. ವಿಮಾನ ನಿಲ್ದಾಣದಲ್ಲಿ ಅನುಸರಿಸಲಾಗುತ್ತಿರುವ  ತಪಾಸಣಾ ಮಾದರಿಯನ್ನು ಇಲ್ಲಿ ಪಾಲಿಸಲು ಆದೇಶ ನೀಡಲಾಗಿದೆ. ಇಂದು ಭಾರತಕ್ಕೆ ಮರಳಿರುವ ಹೆಚ್ಚಿನವರು ತಮ್ಮ ನೌಕರಿ ಕಳೆದುಕೊಂಡಿದ್ದು, ಮುಂದೇನು ಎಂಬ ಪ್ರಶ್ನೆ ಅವರನ್ನು ಕಾಡುತ್ತಿದೆ