ಜಾರ್ಖಂಡ್: ಜೆಎಂಎಂ-ಕಾಂಗ್ರೆಸ್ ಮೈತ್ರಿ ಆಡಳಿತ ಬಹುತೇಕ ಖಚಿತ

ರಾಂಚಿ: ಜಾರ್ಖಂಡ್ ನಲ್ಲಿ ಜೆಎಂಎಂ- ಕಾಂಗ್ರೆಸ್ ಮೈತ್ರಿ ಆಡಳಿತ ಬಹುತೇಕ ಖಚಿತವಾಗಿದೆ.
ಚುನಾವಣಾ ಮತ ಎಣಿಕೆಯ ಬಹುತೇಕ ಸುತ್ತುಗಳು ಮುಕ್ತಾಯವಾಗಿದ್ದು ಇಲ್ಲಿಯವರೆಗೆ ಜೆಎಂಎಂ- ಕಾಂಗ್ರೆಸ್ ಮೈತ್ರಿ 46 ಕ್ಷೇತ್ರಗಳಲ್ಲಿ ಮುನ್ನಡೆ ಸಾಧಿಸಿದ್ದು, ಬಿಜೆಪಿ 24ರಲ್ಲಿ ಮುಂದಿದೆ.
ಜೆಎಂಎಂ-ಕಾಂಗ್ರೆಸ್​ ಮೈತ್ರಿಯಲ್ಲಿ ಜೆಎಂಎಂ 29 ಕ್ಷೇತ್ರಗಳಲ್ಲಿ ಮುನ್ನಡೆಯಲ್ಲಿದ್ದು ದೊಡ್ಡ ಪಕ್ಷವೆನಿಸಿದೆ. ಕಾಂಗ್ರೆಸ್​ 14ರಲ್ಲಿ ಮಾತ್ರ ತನ್ನ ಪ್ರಭುತ್ವ ಸಾಧಿಸಿದೆ. ಹೀಗಾಗಿ ಜೆಎಂಎಂ ಮುಖ್ಯಸ್ಥ ಹೇಮಂತ್​ ಸೊರೇನ್​​ ಮುಖ್ಯಮಂತ್ರಿಯಾಗುವ ಸಾಧ್ಯತೆ ಹೆಚ್ಚಿದೆ.
ಗೆಲುವು ನಿಶ್ಚಿತ ಎಂದು ತಿಳಿಯುತ್ತಲೇ ಮುಖ್ಯಮಂತ್ರಿ ಹುದ್ದೆ ಆಕಾಂಕ್ಷಿ ಹೇಮಂತ್​ ಸೊರೇನ್​ ಅವರು ತಮ್ಮ ತಂದೆ, ಜಾರ್ಖಂಡ ಮುಕ್ತಿ ಮೋರ್ಚಾ (ಜೆಎಂಎಂ) ಸಂಸ್ಥಾಪಕ ಸಿಬು ಸೊರೇನ್​ ಅವರನ್ನು ಭೇಟಿಯಾಗಿ ಆಶೀರ್ವಾದ ಪಡೆದರು.
ಹೇಮಂತ್​ ಸೊರೇನ್​​ ಅವರು ಜಾರ್ಖಂಡದ ಐದನೇ ಮುಖ್ಯಮಂತ್ರಿಯಾಗಿ 2013ರಲ್ಲಿ ಪ್ರಮಾಣವಚನ ಸ್ವೀಕರಿಸಿ 2014ರವರೆಗೆ ಆಡಳಿತ ನಡೆಸಿದ್ದರು.