ಕಾಶ್ಮೀರಿ ಪಂಡಿತರು ಎಂದೂ ಮರೆಯದ ಜನವರಿ 19 ಕರಾಳ ರಾತ್ರಿ

ನವದೆಹಲಿ: ಸ್ವಂತ ದೇಶದಲ್ಲಿ ನಿರಾಶ್ರಿತರ ಬದುಕು ಸಾಗಿಸುತ್ತಿರುವ ಲಕ್ಷಾಂತರ ಕಾಶ್ಮೀರಿ ಪಂಡಿತರಿಗೆ ಜನವರಿ 19 ಕರಾಳ ರಾತ್ರಿ. ಕಾಶ್ಮೀರ ಕಣಿವೆಯಲ್ಲಿ ದಶಕಗಳಿಂದ ಅಲ್ಲಿ ನೆಲೆಸಿದ್ದ ಕಾಶ್ಮೀರಿ ಪಂಡಿತರು ಜೀವವನ್ನು ಕೈ ಯಲ್ಲಿ ಹಿಡಿದು ತಮ್ಮ ಪ್ರಾಣ ಉಳಿಸಿಕೊಳ್ಳಲು ಕಣಿವೆ ತೊರೆದು ಹೊರಟು ಹೋದರು. ಹುಟ್ಟಿನಿಂದ  ಮಣ್ಣಿನೊಂದಿಗೆ ಹೊಂದಿದ್ದ ಸಂಬಂಧ ಕಡಿದುಕೊಂಡ ಕಾಶ್ಮೀರಿ ಪಂಡಿತರು ಇದೀಗ ನಿರಾಶ್ರಿತರ ಬದುಕು ಸಾಗಿಸುತ್ತಿದ್ದಾರೆ.  1990 ಜನವರಿ 19 ರಂದು ನಡೆದ ಮಾರಣ ಹೋಮದಲ್ಲಿ ಪ್ರಾಣ ಕಳೆದುಕೊಂಡ ಕಾಶ್ಮೀರಿ ಪಂಡಿತರಿಗೆ ಲೆಕ್ಕವೇ ಇಲ್ಲ.  ಒಂದೇ ದಿನ ಇಪ್ಪತ್ತೂ ಸಾವಿರಕ್ಕೂ ಹೆಚ್ಚು ಮಂದಿ ಪಂಡಿತರು ತಮ್ಮ ಸ್ವಂತ ನಾಡಿನಲ್ಲಿ ತಮ್ಮದಲ್ಲದ ತಪ್ಪಿಗೆ ಪ್ರಾಣ ಕಳೆದುಕೊಂಡರು. ಇದೆಲ್ಲ ನಡೆದದ್ದು 30 ವರ್ಷಗಳ ಹಿಂದೆ. ಅಂದರೆ 1990 ಜನವರಿ 19. ಆದರೆ ಕಾಶ್ಮೀರಿ ಪಂಡಿತರಿಗೆ ಮಾತ್ರ ಈ ದುರಂತ ನಿನ್ನೆ ಮೊನ್ನೆ ನಡೆದ ಹಾಗಿದೆ. ಯಾಕೆಂದರೆ ಈ ಗಾಯ ಅವರ ಮನಸ್ಸಿನ ಮೇಲೆ ಅಷ್ಚು ಆಘಾತವನ್ನು ಉಂಟುಮಾಡಿದೆ.