ಶಿವಸೇನೆಗೆ ಬಿಸಿ ತುಪ್ಪವಾದ ಹಿಂದುತ್ವ: ಅಯೋಧ್ಯೆಗೆ ಸಿಎಂ ಉದ್ದವ್ ಠಾಕ್ರೆ

ಮುಂಬೈ:  ಮಹಾರಾಷ್ಟ್ರದಲ್ಲಿ ಮೈತ್ರಿಕೂಟದ ಮೂಲಕ ಅಧಿಕಾರಕ್ಕೆ ಬಂದಿರುವ ಶಿವಸೇನಾ ಹಿಂದುತ್ವ ವಿಚಾರದಲ್ಲಿ ಇಕ್ಕಟ್ಟಿಗೆ ಸಿಲುಕಿದೆ. ದಶಕಗಳ ಕಾಲ ಹಿಂದುತ್ವದ ಉಗ್ರ ಪ್ರತಿಪಾದಕ ಪಕ್ಷ ಎಂದೇ ಗುರುತಿಸಿಕೊಂಡಿದ್ದ ಶಿವಸೇನೆ, ಇದೀಗ ರಾಜಕೀಯ ಅನಿವಾರ್ಯತೆಯಿಂದಾಗಿ ಸೌಮ್ಯ ಮುಖವಾಡ ಧರಿಸಬೇಕಾಗಿದೆ. ಇದನ್ನೇ  ಸದುಪಯೋಗಪಡಿಸಲು ಮಹಾರಾಷ್ಟ್ರ ನವ ನಿರ್ಮಾಣ ಸೇನೆ ಮುಂದಾಗಿದೆ. ತೆರೆಯ ಹಿಂದೆ ಬಿಜೆಪಿ ಕೂಡ ರಾಜ್ ಠಾಕ್ರೆಯ ನವ ನಿರ್ಮಾಣ ಸೇನೆ ಜೊತೆ ಕೈ ಜೋಡಿಸಿದೆ ಎನ್ನಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಹಿಂದುತ್ವ ಸಿದ್ದಾಂತದಿಂದ ಪಕ್ಷ ದೂರ ಸರಿದಿಲ್ಲ ಎಂಬುದನ್ನು ಬಿಂಬಿಸಲು ಶಿವಸೇನಾ ನಿರ್ಧರಿಸಿದೆ. ಸರ್ಕಾರಕ್ಕೆ 100 ದಿನ ತುಂಬಿದ ಸಂದರ್ಭದಲ್ಲಿ ಅಯೋಧ್ಯೆಗೆ ಭೇಟಿ ನೀಡುವುದಾಗಿ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ಘೋಷಿಸಿದ್ದಾರೆ.