ಕೋಲ್ಕತ ವಿರುದ್ಧ ಮುಂಬೈ ಇಂಡಿಯನ್ಸ್’ಗೆ ಗೆಲುವು

newsics.com
ಅಬುಧಾಬಿ: ಐಪಿಎಲ್​ ಟೂರ್ನಿಯ 5ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​ ತಂಡವು ಕೋಲ್ಕತ ನೈಟ್​ ರೈಡರ್ಸ್​ ವಿರುದ್ಧ 49 ರನ್​ಗಳ ಗೆಲುವು ಸಾಧಿಸಿದೆ.
ಶೇಖ್ ಜಾಯೆದ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​ ನೀಡಿದ್ದ 196 ರನ್​ಗಳ ಗುರಿ ಬೆನ್ನತ್ತಿದ ಕೋಲ್ಕತ ತಂಡ ನಿಗದಿತ 20 ಓವರ್​ಗಳಲ್ಲಿ 8 ವಿಕೆಟ್​ ಕಳೆದುಕೊಂಡು 149 ರನ್​ ಗಳಿಸಿತು. ಆರಂಭಿಕರಾಗಿ ಕಣಕ್ಕಿಳಿದ ಶುಭಮಾನ್ ಗಿಲ್ (7) ಹಾಗೂ ಸುನೀಲ್​ ನರೇನ್​ (9) ವಿಕೆಟ್​ ಒಪ್ಪಿಸುವ ಮೂಲಕ ಆರಂಭಿಕ ಆಘಾತ ನೀಡಿದರು. ತಂಡವು 25 ರನ್​ಗೆ ಪ್ರಮುಖ ಎರಡು ವಿಕೆಟ್​ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ದಿನೇಶ್​ ಕಾರ್ತಿಕ್​ (30), ನಿತೀಶ್ ರಾಣ (24) ಜತೆಗೂಡಿ ತಂಡಕ್ಕೆ ಚೇತರಿಕೆ ತಂದುಕೊಟ್ಟರೂ ಬ್ಯಾಕ್​ ಟು ಬ್ಯಾಕ್​ ವಿಕೆಟ್​ ಒಪ್ಪಿಸುವ ಮೂಲಕ ಮತ್ತೊಮ್ಮೆ ಆಘಾತ ನೀಡಿದರು. ಕೇವಲ 77 ರನ್​ಗೆ ಪ್ರಮುಖ 4 ವಿಕೆಟ್​ ಕಳೆದುಕೊಂಡ ಕೋಲ್ಕತ ಗೆಲುವಿನ ಆಸೆ ಕೈಬಿಟ್ಟಿತು. ಆಂಡ್ರೆ ರಸೆಲ್​ (11), ಇಯಾನ್​ ಮಾರ್ಗನ್ (16)​ ಮತ್ತು ನಿಖಿಲ್​ ನಾಯಕ್​ (1) ಔಟಾಗಿದ್ದು, ಕೋಲ್ಕತ ಸೋಲಿಗೆ ಕಾರಣವಾಯಿತು.