ಖ್ಯಾತ ಪರಿಸರವಾದಿ ಆರ್ ಕೆ ಪಚೂರಿ ನಿಧನ

ನವದೆಹಲಿ: ಖ್ಯಾತ ಪರಿಸರವಾದಿ  ಡಾ. ಆರ್ . ಕೆ. ಪಚೂರಿ ನಿಧನಹೊಂದಿದ್ದಾರೆ. ಅವರಿಗೆ  79 ವರ್ಷ ಪ್ರಾಯವಾಗಿತ್ತು. ಕಳೆದ ಒಂದು ವರ್ಷದಿಂದ ಅವರು ಅಸ್ವಸ್ಥರಾಗಿದ್ದರು. ಮೆಕ್ಸಿಕೊ ಪ್ರವಾಸದಲ್ಲಿದ್ದ ಸಂದರ್ಭದಲ್ಲಿ ಹೃದಯಾಘಾತ ಸಂಭವಿಸಿತ್ತು. ಬಳಿಕ ಅವರು ಚೇತರಿಸಿಕೊಂಡಿರಲಿಲ್ಲ. ಲೈಂಗಿಕ ಕಿರುಕುಳ ಪ್ರಕರಣ ಬೆಳಕಿಗೆ ಬಂದ ಬಳಿಕ  ಪಚೂರಿ ನಿಧಾನವಾಗಿ  ಮಾಧ್ಯಮಗಳಿಂದ ದೂರವಾಗಿದ್ದರು. ಸಂಶೋಧನಾ ವಿದ್ಯಾರ್ಥಿಯೊಬ್ಬರು ಅವರ ವಿರುದ್ದ ಲೈಂಗಿಕ ಕಿರುಕುಳ ಆರೋಪ ಹೊರಿಸಿದ ಬಳಿಕ  ಪಚೂರಿ ಸಾರ್ವಜನಿಕ ಸಮಾರಂಭಗಳಲ್ಲಿ ಕಾಣಿಸಿಕೊಂಡದ್ದು ವಿರಳವಾಗಿತ್ತು.