ನವದೆಹಲಿ: ದೇಶದಲ್ಲಿ ಆರ್ಥಿಕ ಬೆಳವಣಿಗೆ ದರ ಕುಸಿದಿದೆ. ಆದಾಯ ಕೂಡ ಇಳಿಮುಖವಾಗಿದೆ. ಆದರೆ ಇದ್ಯಾವುದು ಕೂಡ ಬಿಜೆಪಿ ಆದಾಯದ ಮೇಲೆ ಪರಿಣಾಮ ಬೀರಿಲ್ಲ. 2018- 19ರ ಸಾಲಿನಲ್ಲಿ ಬಿಜೆಪಿ ಆದಾಯದಲ್ಲಿ  ಶೇಕಡ 134 ಹೆಚ್ಚಳವಾಗಿದೆ. 2410 ಕೋಟಿ ರೂಪಾಯಿ ಸಂಗ್ರಹವಾಗಿದೆ. ಕಾಂಗ್ರೆಸ್ ಕೂಡ ಇದರಲ್ಲಿ ಹಿಂದೆ ಬಿದ್ದಿಲ್ಲ.  ಅದರ ಆದಾಯ ಶೇಕಡ 361 ಹೆಚ್ಚಳವಾಗಿದೆ. 199 ಕೋಟಿ ರೂಪಾಯಿಯಿಂದ ಅದು 918 ಕೋಟಿ ರೂಪಾಯಿಗೆ ತಲುಪಿದೆ. ಚುನಾವಣಾ ಆಯೋಗಕ್ಕೆ ಈ ಸಂಬಂಧ ಸಲ್ಲಿಸಿದ ದಾಖಲೆಯಲ್ಲಿ ಈ ಮಾಹಿತಿ ಬಹಿರಂಗವಾಗಿದೆ.