ಕೊರೋನಾ ವೈರಸ್ ಹಾವಳಿ: ಕಾರ್ಯದರ್ಶಿಗಳ ಸಭೆ ಕರೆದ ನಿರ್ಮಲಾ ಸೀತಾರಾಮನ್

ನವದೆಹಲಿ: ಚೀನಾದಲ್ಲಿ ಮರಣ ಮೃದಂಗ ಬಾರಿಸಿರುವ ಮಾರಕ ಕೊರೋನಾ ವೈರಸ್ ದೇಶದ ಕೈಗಾರಿಕೆ ಹಾಗೂ ಇನ್ನಿತರ ವಲಯಗಳ ಮೇಲೆ ಬೀರಿರುವ ಪರಿಣಾಮಗಳ ಕುರಿತು ಚರ್ಚೆ ನಡೆಸಲು ಕೇಂದ್ರ ಹಣಕಾಸು ಇಲಾಖೆ  ನಿರ್ಧರಿಸಿದೆ. ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಈ ಸಂಬಂಧ ಕಾರ್ಯದರ್ಶಿಗಳ ಮಟ್ಟದ ಸಭೆ ಕರೆದಿದ್ದಾರೆ. ದೇಶದ ಆರ್ಥಿಕ ಪರಿಸ್ಥಿತಿಯ ಮೇಲೆ ಕೊರೋನಾ ವೈರಸ್ ಬೀರಿರುವ ದುಷ್ಪರಿಣಾಮಗಳ ಕುರಿತು ನಾಳಿನ ಸಭೆ ಪ್ರಮುಖವಾಗಿ ಚರ್ಚೆ ನಡೆಸಲಿದೆ. ಇದೇ ವೇಳೆ, ಚೀನಾದಲ್ಲಿರುವ ಭಾರತೀಯರನ್ನು ಕರೆ ತರಲು ಮಿಲಿಟರಿ ವಿಮಾನ ಬಳಸಲು ಕೂಡ ನಿರ್ಧರಿಸಲಾಗಿದೆ.