ಶ್ರೀನಗರದಲ್ಲಿ ಮೂರು ಭಯೋತ್ಪಾದಕರ ಹತ್ಯೆ

ಶ್ರೀನಗರ: ಜಮ್ಮು ಕಾಶ್ಮೀರದ ಶ್ರೀನಗರ ಸಮೀಪದ ಝಾದಿಬಾಲ್ ಎಂಬಲ್ಲಿ ಮನೆಯೊಂದರಲ್ಲಿ ಆಶ್ರಯಪಡೆದಿದ್ದ ಮೂವರು ಉಗ್ರರು ಭದ್ರತಾಪಡೆಯ ಗುಂಡಿಗೆ ಬಲಿಯಾಗಿದ್ದಾರೆ.. ಉಗ್ರರ ಪೋಷಕರನ್ನು ಕರೆಯಿಸಿ ಅವರ ಮನವೊಲಿಕೆ ಯತ್ನ ವಿಫಲಗೊಂಡ ಬಳಿಕ ಸೇನೆ ಕಾರ್ಯಾಚರಣೆ ಆರಂಭಿಸಿತು. ಶರಣಾಗತರಾಗುವಂತೆ ಭದ್ರತಾಪಡೆ ಮಾಡಿದ ನಿರಂತರ ಮನವಿಯನ್ನು ನಿರ್ಲಕ್ಷಿಸಿ ಗುಂಡು ಹಾರಿಸಿದಾಗ ಭದ್ರತಾ ಪಡೆ ಕಾರ್ಯಾಚರಣೆ ನಡೆಸಿತು.  ಇದೀಗ ಶೋಧ ಕಾರ್ಯ ಮುಂದುವರಿದಿದೆ.  ಭಯೋತ್ಪಾದಕರು ಶ್ರೀನಗರಕ್ಕೆ ನುಸುಳಿರುವ ಹಿನ್ನೆಲೆಯಲ್ಲಿ ಸೂಕ್ಷ್ಮ ಪ್ರದೇಶಗಳಲ್ಲಿ ಕಟ್ಟೆಚ್ಚರ ವಹಿಸಲಾಗಿದೆ