Monday, November 29, 2021

ಕನ್ನಡಿಗರೇ ಪರಾಂಬರಿಸಿಕೊಳ್ಳಿ…

Follow Us

” ಜಯ ಭಾರತ ಜನನಿಯ ತನುಜಾತೆ, ಜಯ ಹೇ ಕರ್ನಾಟಕ ಮಾತೆ”  ಕುವೆಂಪು ನಾಡಗೀತೆಯಲ್ಲಿ ಭಾರತ ಹಾಗೂ ಕರ್ನಾಟಕಕ್ಕೂ ತಾಯಿ ಮಗಳ ಬಂಧವನ್ನು   ಸುಂದರವಾಗಿ ಬೆಸೆದಿದ್ದಾರೆ…  ಅವಿಚ್ಛಿನ್ನ ಸಂಪ್ರದಾಯ, ಅಭೇಧ್ಯ ಸಂಸ್ಕೃತಿಯುಳ್ಳ ಭಾರತದ ಒಂದು ಭಾಗವಾದ ಹೆಮ್ಮೆಯ ಕರ್ನಾಟಕದ ಭಾಷೆ ಕನ್ನಡ… ದ್ರಾವಿಡಭಾಷೆಗಳಲ್ಲಿ ಪ್ರಾಮುಖ್ಯತೆ ಹೊಂದಿರುವ , ಭಾರತದ ಪುರಾತನ ಭಾಷೆಗಳಲ್ಲಿ ಒಂದಾಗಿರುವ ಕನ್ನಡ ನಮ್ಮ ಮಾತೃಭಾಷೆ ಎಂದು, ಗರ್ವದಿಂದ ಎದೆತಟ್ಟಿ ಹೇಳಬೇಕು.. ಆದರೆ ನಾವು  ಮಾಡುತ್ತಿರುವುದಾದರೂ ಏನು!?
       ಬೇರೆ ಭಾಷೆಯ ಜನರೊಡನೆ ಕನ್ನಡದಲ್ಲಿ ವ್ಯವಹರಿಸಿದರೆ , ಅವಮಾನ ಎಂಬ ಮನಸ್ಥಿತಿಯಲ್ಲಿದ್ದೇವೆ..ಕರ್ನಾಟಕದಲ್ಲಿ ವಾಸಿಸುವ, ಇಲ್ಲಿನ ಗಾಳಿ, ನೀರು ಸೇವಿಸುವ , ಅನ್ನ ತಿನ್ನುವ ಪ್ರತಿಯೊಬ್ಬನೂ ಕನ್ನಡ ಕಲಿಯಬೇಕೆಂಬ ಅನಿವಾರ್ಯ ಪರಿಸ್ಥಿತಿಯನ್ನು ನಾವು ಸೃಷ್ಟಿಸಬೇಕಿತ್ತು.. ಬದಲಿಗೆ ನಮ್ಮ ಭಾಷೆಯನ್ನೇ ಬಲಿ ಕೊಟ್ಟು, ನಾವೂ ಪರಭಾಷಾ ವ್ಯಾಮೋಹಕ್ಕೊಳಗಾಗಿ ಅವರ ಭಾಷೆಯನ್ನು ನಾವು ಕಲಿತು ಅದರಲ್ಲೇ ಸಂವಹನ ನಡೆಸುತ್ತಿದ್ದೇವೆ..ಇದು ನಾಚಿಗೇಡು ಸಂಗತಿ ಅನ್ನದೇ ಮತ್ತೇನೆನ್ನಲಿ!?? 
           ಹಲವಾರು ಐಟಿ-ಬಿಟಿ ಕಂಪನಿಗಳು ಕೈಗಾರಿಕಾ ಸ್ಥಾವರಗಳು, ಕಾರ್ಖಾನೆಗಳು ಕರ್ನಾಟಕದಲ್ಲಿ ತಲೆಯೆತ್ತಿದ್ದ ರಿಂದ ವಲಸಿಗರ ಸಂಖ್ಯೆ ಗಣನೀಯವಾಗಿ ಏರಿಕೆ ಆಗುತ್ತಲೇ ಇದೆ.. ಕೆಲಸಕ್ಕಾಗಿ , ತಮ್ಮ ಜೀವನವನ್ನು ಕಟ್ಟಿಕೊಳ್ಳಲು ಬಂದವರೇ ಜಾಸ್ತಿ ..ಉತ್ತರ ಭಾರತದ, ಮಹಾರಾಷ್ಟ್ರ, ಕೇರಳ ಸುತ್ತಮುತ್ತಲಿನ ರಾಜ್ಯದ ಜನಗಳ ಜೊತೆ ಅವರ ಭಾಷೆಯನ್ನೂ  ಕನ್ನಡಿಗರು ಆದರಣೀಯವಾಗಿ ಸ್ವಾಗತಿಸಿದಂತಿದೆ…ಆದ್ದರಿಂದಲೇ ಕರ್ನಾಟಕ ಬಹುಭಾಷಾ ರಾಜ್ಯವಾಗಿ ಉಳಿದುಬಿಟ್ಟಿದೆ.. ಕನ್ನಡ ಭಾಷೆಗೆ  ಒತ್ತು ಕೊಡಬೇಕೆಂದು  ಹೋರಾಟ ನಡೆಸಿದ್ದು , ನಮ್ಮವರಿಂದಲೇ ಮಣ್ಣು ಪಾಲಾದದ್ದು ಖೇದಕರ ಸಂಗತಿ…ಹೊರಗಿಂದ ಬಂದ ಪರಭಾಷಾ ಜನಗಳು ಕನ್ನಡದಲ್ಲಿ ಸಂವಹನ ನಡೆಸದಿದ್ದರೂ ಇಲ್ಲಿ ಅವರ ಭಾಷೆಯ ಪ್ರಾಬಲ್ಯದಿಂದಲೇ ಬದುಕಬಹುದೆಂದು ಚೆನ್ನಾಗಿ ಮನಗಂಡಂತಿದೆ.. ಹತ್ತು ವರುಷಗಳಾದರೂ ಇಪ್ಪತ್ತು ವರ್ಷ ಕಳೆದರೂ ಕರ್ನಾಟಕದ ನೆಲದಲ್ಲಿ ಗಟ್ಟಿಯಾಗಿ ನೆಲೆಯೂರಿದವರೂ, ಕನ್ನಡ ಕಲಿಯುವ ಉಮೇದಿಗಿನ್ನೂ ಇಳಿದಂತಿಲ್ಲ…
                  ನವೆಂಬರ್ ಒಂದರ ಕನ್ನಡಿಗರೇ ದಯವಿಟ್ಟು  ಪರಾಂಬರಿಸಿಕೊಳ್ಳಿ..ನಾವೆಷ್ಟು ಕನ್ನಡಿಗರಾಗಿದ್ದೇವೆಂಬುದನ್ನು ಆತ್ಮಾವಲೋಕನ ಮಾಡಿಕೊಳ್ಳಿ..ಕನ್ನಡ ರಾಜಕಾರಣಿಗಳಿಗೆ  ಮತ ಕಬಳಿಸುವ ಅಸ್ತ್ರವಾದರೆ, ಕೆಲ  ಹೋರಾಟಗಾರರಿಗೆ ಪ್ರಚಾರದ ಸರಕಾಗಿದೆ..ತಾಯಿ ತಾಯ್ನೆಲ ಸ್ವರ್ಗಕ್ಕಿಂತಲೂ ಮಿಗಿಲೆಂದು ನಂಬಿದ ಸಂಸ್ಕೃತಿ ನಮ್ಮದು..ತಾಯಿ ಭಾಷೆಯನ್ನು ಕಡೆಗಣಿಸದೆ ಮುಂದಿನ ಪೀಳಿಗೆಗೆ ಭಾಷಾಭಿಮಾನ ಕಲಿಸುವುದು ಪ್ರತಿಯೊಬ್ಬ ಕನ್ನಡಿಗನ ಆದ್ಯ ಕರ್ತವ್ಯ… ಭಾಷಾಭಿಮಾನ ಎದೆಯಲ್ಲಿರಲಿ ಕೃತಿಯಲ್ಲಿರಲಿ…ಜೈ ಭುವನೇಶ್ವರಿ…

– ಅರ್ಚನಾ ಎಚ್

ಮತ್ತಷ್ಟು ಸುದ್ದಿಗಳು

Latest News

ಅಂತ್ಯಕ್ರಿಯೆ ನಡೆಸುವುದನ್ನೇ ಮರೆತ ಬಿಬಿಎಂಪಿ: 15 ತಿಂಗಳ ಬಳಿಕ ಪತ್ತೆಯಾಯ್ತು 2 ಕೋವಿಡ್ ಶವ!

newsics.com ಬೆಂಗಳೂರು: ಕೋವಿಡ್‌ನಿಂದ ಮೃತಪಟ್ಟ ಇಬ್ಬರ ಶವಸಂಸ್ಕಾರ ಮಾಡುವುದನ್ನೇ ಮರೆತ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ. ಅಷ್ಟೇ ಅಲ್ಲ, 15 ತಿಂಗಳ ಬಳಿಕ ಎರಡು ಶವಗಳನ್ನು ಹೊರಕ್ಕೆ ತಂದ...

ಕೃಷ್ಣನ ವಿಗ್ರಹ ಸ್ಥಾಪನೆ ಹೇಳಿಕೆ: ಮಥುರಾದಲ್ಲಿ ನಿಷೇಧಾಜ್ಞೆ

newsics.com ಮಥುರಾ(ಉತ್ತರ ಪ್ರದೇಶ): ಕೃಷ್ಣನ ಜನ್ಮಸ್ಥಾನ ಪ್ರದೇಶದಲ್ಲಿ ಭಗವಾನ್ ಕೃಷ್ಣನ ವಿಗ್ರಹ ಪ್ರತಿಷ್ಠಾಪನೆ ಮಾಡುವುದಾಗಿ ಅಖಿಲ ಭಾರತ ಹಿಂದೂ ಮಹಾಸಭಾ ಹೇಳಿಕೆಯ ಬೆನ್ನಲ್ಲೇ ಮಥುರಾದಲ್ಲಿ ಸೆಕ್ಷನ್ 144 ಜಾರಿಗೊಳಿಸಲಾಗಿದೆ. ದೇವಾಲಯದ ಹತ್ತಿರವೇ ಮಸೀದಿ ಇದ್ದು,...

ತಿರುಮಲ ತಿರುಪತಿ ದೇವಸ್ಥಾನಮ್’ನ ಒಎಸ್’ಡಿ ಡಾಲರ್ ಶೇಷಾದ್ರಿ ನಿಧನ

newsics.com ವಿಶಾಖಪಟ್ಟಣಂ: ತಿರುಮಲ ತಿರುಪತಿ ದೇವಸ್ಥಾನಮ್ ನ ಪ್ರಧಾನ ಅರ್ಚಕ ಡಾಲರ್ ಶೇಷಾದ್ರಿ ನಿಧನರಾದರು. ಟಿಟಿಡಿಯಿಂದ ಆಯೋಜಿಸಲಾಗಿದ್ದ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಸಂದರ್ಭದಲ್ಲಿ ಶೇಷಾದ್ರಿ ಅವರಿಗೆ ಹೃದಯಾಘಾತ ಸಂಭವಿಸಿದೆ. ತಕ್ಷಣವೇ ಆಸ್ಪತ್ರೆಗೆ ಕರೆದೊಯ್ಯುವ ಮಾರ್ಗಮಧ್ಯೆ ಮೃತಪಟ್ಟಿದ್ದಾರೆ ಎಂದು...
- Advertisement -
error: Content is protected !!