Tuesday, November 24, 2020

ಛಲ ಬಿಡದ ತಿವಿಕ್ರಮ: ಸಿಎಂ ಪಟ್ಟ ಮತ್ತೆ ಅಲಂಕರಿಸಿದ ಬಿಎಸ್ ವೈ

* 2019 ಹಿನ್ನೋಟ

ಬೆಂಗಳೂರು: ವಿಧಾನಸಭೆ ಚುನಾವಣೆಯಲ್ಲಿ ಬಹುಮತದಿಂದ ಸ್ವಲ್ವವೇ ದೂರ ಉಳಿದಿದ್ದ ಬಿಜೆಪಿ  ವರ್ಷಾಂತ್ಯದಲ್ಲಿ ಮತ್ತೆ ಅಧಿಕಾರಕ್ಕೆ ಏರಿದ್ದು 2019ರ ರಾಜ್ಯ ರಾಜಕಾರಣದ ಬಹು ದೊಡ್ಡ ಬೆಳವಣಿಗೆ. ಬೆಳಗಾವಿಯ ಸಾಹುಕಾರ ಮೊಳಗಿಸಿದ ಬಂಡಾಯದ ಕಹಳೆ ಹಲವು ದಿನಗಳ ಕಾಲ ಜನರನ್ನು ಕುತೂಹಲಕ್ಕೆ ದೂಡಿತ್ತು. ಒಂದಲ್ಲ ಎರಡಲ್ಲ ಹದಿನೇಳು ಜನಪ್ರತಿನಿಧಿಗಳು ಏಕಾಏಕಿ ರಾಜೀನಾಮೆ ಸಲ್ಲಿಸಿದಾಗ ಭಾರೀ ಡ್ರಾಮವೇ ನಡೆಯಿತು. ಚಿಕ್ಕ ಮಕ್ಕಳು ಶಾಲೆಯ ಬೆಲ್ ಬಾರಿಸಿದಾಗ ತರಾತುರಿಯಲ್ಲಿ ತರಗತಿಗೆ ಒಡೋಡಿ ಬಂದು ಹಾಜರಾಗುವಂತೆ ಮುಂಬೈನಿಂದ ಹಾರಿ ಬಂದ ಶಾಸಕರು ತಮ್ಮ ರಾಜೀನಾಮೆ ಪತ್ರ ಸ್ಪೀಕರ್ ಗೆ ಸಲ್ಲಿಸಿದರು. ಆ ಬಳಿಕ ನಡೆದದ್ದು ಅನರ್ಹ ಪರ್ವ. ಸುಪ್ರೀಂ ಕೋರ್ಟ್ ಕದ ತಟ್ಟಿದ ಅನರ್ಹ ಶಾಸಕರು, ಅರ್ಹತೆ ಗಿಟ್ಟಿಸಿಕೊಳ್ಳಲು ಮತ್ತೆ ಜನರ ಬಳಿಗೆ ತೆರಳಬೇಕಾಯಿತು. ಹಿಂದಿನದ್ದನ್ನೆಲ್ಲ ಮರೆತು ಮತ್ತೆ ತಮ್ಮನ್ನು ಆರಿಸಿ ಕಳುಹಿಸುವಂತೆ ಮತದಾರ ಮಹಾಪ್ರಭುವಿಗೆ ಮನವಿ ಮಾಡಬೇಕಾಯಿತು.

ವಿಧಾನಸಭೆ ಉಪ ಚುನಾವಣೆಯಲ್ಲಿ ಭರ್ಜರಿ ಜಯ ಗಳಿಸಿರುವ ಯಡಿಯೂರಪ್ಪ ನೇತೃತ್ವದ ಸರ್ಕಾರ ಸದ್ಯದ ಮಟ್ಟಿಗೆ ಸ್ಥಿರವಾಗಿದೆ. ಚುನಾವಣೆಯ ಜಯದ ಮೂಲಕ ದೆಹಲಿ ಬಿಜೆಪಿ ನಾಯಕರಿಗೆ ಸಂದೇಶ ರವಾನಿಸಿರುವ ಬಿಎಸ್ ವೈ, ಅಂತರ ಕಾಯ್ದುಕೊಳ್ಳುವ ಪರೋಕ್ಷ ಸೂಚನೆ ಕೂಡ ನೀಡಿದ್ದಾರೆ. ಬಿಜೆಪಿ ರಾಜ್ಯಾಧ್ಯಕ್ಷ ನಳೀನ್ ಕುಮಾರ್ ಕಟೀಲ್ ಜತೆಗಿನ ಶೀತಲಸಮರ ಸದ್ದು ಮಾಡುತ್ತಿದ್ದರೂ ಆಡಳಿತ ವಿಚಾರದಲ್ಲಿ ಮಾತ್ರ ಬಿಗಿ ನಿಲುವು ಪ್ರದರ್ಶಿಸುತ್ತಿದ್ದಾರೆ.

2019ರ ಕೊನೆಯ ತಿಂಗಳಲ್ಲಿ ನಡೆಯಬೇಕಿದ್ದ ಸಂಪುಟ ವಿಸ್ತರಣೆ ಸದ್ಯಕ್ಕೆ ಮುಂದೂಡಿಕೆಯಾಗಿದೆ. 2020ರಲ್ಲಿ ಬಿಎಸ್ ವೈಗೆ ಇದೇ ಪ್ರಮುಖ ಸವಾಲು. ಸಂಪುಟ ವಿಸ್ತರಣೆಯೊಂದಿಗೆ ಭಿನ್ನಮತ ಭುಗಿಲೇಳುವ ಸಾಧ್ಯತೆಯನ್ನು ಕೂಡ ತಳ್ಳಿಹಾಕುವಂತಿಲ್ಲ. ಉಪ ಮುಖ್ಯಮಂತ್ರಿ ಪದವಿ ಪ್ರತಿಷ್ಟೆಯಾಗಿ ಬದಲಾಗಿದ್ದು, ಇದು ಕೂಡ ರಾಜಕೀಯ ಬಿರುಗಾಳಿಯ ಮುನ್ಸೂಚನೆ ನೀಡಿದೆ. ಈ ಎಲ್ಲ ಸವಾಲುಗಳನ್ನು ಯಡಿಯೂರಪ್ಪ ಹೇಗೆ ನಿಭಾಯಿಸಲಿದ್ದಾರೆ ಎಂಬುದನ್ನು 2020ರಲ್ಲಿ ನೋಡಬೇಕಿದೆ.

ಮತ್ತಷ್ಟು ಸುದ್ದಿಗಳು

Latest News

14ನೇ ವಯಸ್ಸಿನಲ್ಲೇ ಪದವಿ ಪೂರ್ಣಗೊಳಿಸಿದ ಬಾಲಕ!

NEWSICS.COM ತೆಲಂಗಾಣ: ಹೈದರಾಬಾದ್‌ನ 14 ವರ್ಷದ ಅಗಸ್ತ್ಯ ಜೈಸ್ವಾಲ್ ಎನ್ನುವ ಬಾಲಕ ಚಿಕ್ಕ ವಯಸ್ಸಿನಲ್ಲಿಯೇ ಪದವಿ ಪೂರ್ಣಗೊಳಿಸಿದ ಭಾರತದ ಮೊದಲ ವಿದ್ಯಾರ್ಥಿ ಎನಿಸಿಕೊಂಡಿದ್ದಾರೆ. ಅಗಸ್ತ್ಯ ಜೈಸ್ವಾಲ್ ಅವರು ಉಸ್ಮೇನಿಯಾ...

ಮದುವೆಗೆ ಬಂದ ನಾಲ್ವರು ನದಿಯಲ್ಲಿ ‌ಮುಳುಗಿ ಸಾವು

NEWSICS.COM ಮೂಡುಬಿದ್ರೆ: ಮದುವೆಗೆಂದು ‌ ಬಂದವರು ನದಿಗೆ ಈಜಲು ಹೋಗಿ ನಾಲ್ವರು ಮೃತಪಟ್ಟ ಘಟನೆ ನಡೆದಿದೆ. ಮೂಡುಬಿದ್ರೆಯ ಕಡಂದಲೆಯ ಶ್ರೀಧರ ಆಚಾರ್ಯ ಅವರ ಮನೆಗೆ ಮದುವೆಗೆಂದು ಬಂದಾಗ ಶಾಂಭವಿ ನದಿಗೆ ಈಜಲು ಹೋಗಿ ನೀರಿನಲ್ಲಿ ಮುಳುಗಿ...

‘ವರ್ಷದ ಪದ’ ಆಯ್ಕೆಯಲ್ಲಿ ಆಕ್ಸ್’ಫರ್ಡ್ ನಿಘಂಟು ವಿಫಲ

NEWSICS.COM ಅಮೆರಿಕ: ಇದೇ ಮೊದಲ ಬಾರಿಗೆ ಆಕ್ಸ್‌ಫರ್ಡ್ ಇಂಗ್ಲಿಷ್ ನಿಘಂಟಿಗೆ ಒಂದು 'ವರ್ಷದ ಪದ'ವನ್ನು ಆಯ್ಕೆ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದು ವರದಿಯಾಗಿದೆ. ಪ್ರತಿ ವರ್ಷ, ಆಕ್ಸ್‌ಫರ್ಡ್ ಇಂಗ್ಲಿಷ್ ನಿಘಂಟು ಪದದ ಬಳಕೆಯ ಆವರ್ತನದ ಆಧಾರದ ಮೇಲೆ...
- Advertisement -
error: Content is protected !!