ಬೆಂಗಳೂರಲ್ಲಿ ನೆರವೇರಿದ ಚಿಮೂ ಅಂತ್ಯಕ್ರಿಯೆ

ಬೆಂಗಳೂರು: ಶನಿವಾರ ವಿಧಿವಶರಾಗಿದ್ದ ಹಿರಿಯ ಸಂಶೋಧಕ, ಚಿಂತಕ ಡಾ. ಚಿದಾನಂದ ಮೂರ್ತಿಯವರ ಅಂತ್ಯಕ್ರಿಯೆ ಭಾನುವಾರ ಸರ್ಕಾರಿ ಗೌರವಗಳೊಂದಿಗೆ ಸುಮನಹಳ್ಳಿ ಚಿತಾಗಾರದಲ್ಲಿ ನಡೆಯಿತು.
ಚಿಮೂ ಆಶಯದಂತೆ ಯಾವುದೇ ಧಾರ್ಮಿಕ ವಿಧಿ-ವಿಧಾನ ನಡೆಸದೆ ಅವರ ಕುಟುಂಬಸ್ಥರು ಅಂತ್ಯಕ್ರಿಯೆ ನೆರವೇರಿಸಿದರು.
ಮುಖ್ಯಮಂತ್ರಿ ಯಡಿಯೂರಪ್ಪ, ಸಚಿವ ಸೋಮಣ್ಣ, ಮುನಿರತ್ನ ಮತ್ತಿತರರು ಚಿತಾಗಾರಕ್ಕೆ ಆಗಮಿಸಿ ಚಿಮೂ ಅವರಿಗೆ ಅಂತಿಮ ನಮನ ಸಲ್ಲಿಸಿದರು.
ಅಂತ್ಯಕ್ರಿಯೆ ಬಳಿಕ ಮಾತನಾಡಿದ ಚಿದಾನಂದಮೂರ್ತಿಯವರ ಪುತ್ರ ವಿನಯಕುಮಾರ್, ರಾಜ್ಯ ಸರ್ಕಾರಕ್ಕೆ ಧನ್ಯವಾದ ಸಲ್ಲಿಸಿದರು.