ಸೈಬರ್ ಯುಗದಲ್ಲಿ ಎಚ್ಚರದಲ್ಲಿ ಇರಿ: ಯಾಮಾರಿದರೆ ಹಣ ಮಾಯ

ಬೆಂಗಳೂರು: : ಇದು ಸೈಬರ್ ಯುಗ. ಎಲ್ಲರ ಕೈಯಲ್ಲಿ ಮೊಬೈಲ್. ಜೊತೆಗೆ ಇಂಟರ್ ನೆಟ್ ಸಂಪರ್ಕ. ವ್ಯಾಪಾರ, ವ್ಯವಹಾರ ಮಾತುಕತೆ ಎಲ್ಲವೂ ಆನ್ ಲೈನ್. ಇದೇ ಸೈಬರ್ ಕಳ್ಳರಿಗೆ ಸುವರ್ಣಾವಕಾಶ ನೀಡಿದೆ. ನಿಮ್ಮಗೆ ಗೊತ್ತಿಲ್ಲದೆ ನಿಮ್ಮ ಬ್ಯಾಂಕ್ ಖಾತೆಗೆ ಕನ್ನ ಹಾಕುತ್ತಾರೆ. ಸ್ವಲ್ಪ ಮುನ್ನೆಚ್ಚರಿಕೆ ವಹಿಸಿದರೆ ಇದನ್ನು ತಡೆಗಟ್ಟಬಹುದು. ಮಾಲ್ ಗಳಲ್ಲಿ  ನಿಮ್ಮ ಮೊಬೈಲ್ ನಂಬರನ್ನು ಅನಗತ್ಯವಾಗಿ ಹಂಚಿಕೊಳ್ಳಬೇಡಿ. ದೂರವಾಣಿ ಮೂಲಕ ವೈಯಕ್ತಿಕ ಮಾಹಿತಿ ಕರೆಗೆ ಸ್ಪಂದಿಸಬೇಡಿ. ಇದು ಬೆಂಗಳೂರು ಪೊಲೀಸ್ ಆಯುಕ್ತ ಭಾಸ್ಕರ್ ರಾವ್ ಸಾರ್ವಜನಿಕರಿಗೆ ನೀಡಿರುವ ಸೂಚನೆ.  ನಿಮ್ಮ ಬ್ಯಾಂಕ್ ಖಾತೆಗೆ ಲಿಂಕ್ ಆಗಿರುವ ಮೊಬೈಲ್  ನಂಬರ್ ಯಾರೊಂದಿಗೂ ಶೇರ್ ಮಾಡಬೇಡಿ ಎಂದು ಪೊಲೀಸ್ ಆಯುಕ್ತರು ಸಲಹೆ ನೀಡಿದ್ದಾರೆ.  ಕಳ್ಳರ ಟಾರ್ಗೆಟ್ ಇದೇ ಮೊಬೈಲ್ ನಂಬರ್ ಆಗಿದೆ ಎಂದು ಆಯುಕ್ತರು ಎಚ್ಚರಿಕೆ ನೀಡಿದ್ದಾರೆ.