ರಾಜ್ಯದಲ್ಲಿ ಹೊಸದಾಗಿ 178 ಕೊರೋನಾ ಪ್ರಕರಣ ಪತ್ತೆ

ಬೆಂಗಳೂರು: ರಾಜ್ಯದಲ್ಲಿ ಹೊಸದಾಗಿ 178 ಮಂದಿ ಕೊರೋನಾ ಸೋಂಕಿಗೆ ತುತ್ತಾಗಿದ್ದಾರೆ. ಇದರೊಂದಿಗೆ ಸೋಂಕಿತರ ಸಂಖ್ಯೆ ರಾಜ್ಯದಲ್ಲಿ 2711ಕ್ಕೆ ತಲುಪಿದೆ. ಯಾದಗಿರಿ ಜಿಲ್ಲೆಯಲ್ಲಿ 60 ಕೊರೋನಾ ಪ್ರಕರಣ ವರದಿಯಾಗಿದ್ದು ಎಲ್ಲರೂ ಮಹಾರಾಷ್ಟ್ರದಿಂದ ಬಂದವರಾಗಿದ್ದಾರೆ.  ರಾಯಚೂರು 62, ಕಲಬುರ್ಗಿ 15, ಬೆಂಗಳೂರು ನಗರ 09 , ಬೆಂಗಳೂರು ಗ್ರಾಮಾಂತರ 1,  ಉಡುಪಿ 15, ಚಿಕ್ಕ್ಕಬಳ್ಳಾಪುರ 4 ಮತ್ತು ಶಿವಮೊಗ್ಗದಲ್ಲಿ 1 ಕೊರೋನಾ ಪ್ರಕರಣ ವರದಿಯಾಗಿದೆ. ಮಂಡ್ಯ 2, ಚಿತ್ರದುರ್ಗ 1, ಧಾರವಾಡ 1 ಮೈಸೂರಿನಲ್ಲಿ 2  ಮತ್ತು ದಾವಣಗೆರೆಯಲ್ಲಿ 4 ಪ್ರಕರಣ ಹೊಸದಾಗಿ ವರದಿಯಾಗಿದೆ. ಕೊರೋನಾದಿಂದ ರಾಜ್ಯದಲ್ಲಿ  47 ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. ಇಂದು ವರದಿಯಾದ 178 ಪ್ರಕರಣದಲ್ಲಿ 156 ಮಂದಿ ಮಹಾರಾಷ್ಟ್ರದ ಸಂಪರ್ಕ ಹೊಂದಿದ್ದಾರೆ.