ಬೆಂಗಳೂರಿನಲ್ಲಿ 90 ಕಿಲೋ ಗಾಂಜಾ ವಶ, ಮೂವರ ಬಂಧನ

ಬೆಂಗಳೂರು:  ಮಾದಕ ದ್ರವ್ಯ ಜಾಲದ ತನಿಖೆ ತೀವ್ರಗೊಳಿಸಿರುವ ಪೊಲೀಸರು ಮತ್ತೆ 90 ಕಿಲೋ ಗಾಂಜಾವನ್ನು ವಶಪಡಿಸಿಕೊಂಡಿದ್ದಾರೆ. ಕಾಡುಗೋಡು ಸಮೀಪದ ದೊಡ್ಡ ಬನಹಳ್ಳಿಯ ಫ್ಲ್ಯಾಟ್ ವೊಂದರಲ್ಲಿ  ಅಡಗಿಸಿಡಲಾಗಿದ್ದ 90 ಕಿಲೋ ಗಾಂಜಾವನ್ನು ವಶಪಡಿಸಿಕೊಳ್ಳಲಾಗಿದೆ.

ಪ್ರಕರಣಕ್ಕೆ ಸಂಬಂಧಿಸಿದಂತೆ ಮೂವರನ್ನು ಬಂಧಿಸಲಾಗಿದೆ. ಬಂಧಿತರನ್ನು  ಆಜಾಂ ಪಾಷಾ, ಅಬ್ಬಾಸ್ ಮತ್ತು ಮುಸ್ತಾನ್  ಎಂದು ಗುರುತಿಸಲಾಗಿದೆ. ಆಂಧ್ರ ಪ್ರದೇಶದ ವಿಶಾಖಂ ಪಟ್ಟಣಂ ನೀಂದ ಈ ಗಾಂಜಾವನ್ನು ನಗರಕ್ಕೆ ತರಲಾಗಿತ್ತು ಎಂಬ ಮಾಹಿತಿ ಬೆಳಕಿಗೆ ಬಂದಿದೆ.

ನಗರದಲ್ಲಿ ವಿದ್ಯಾರ್ಥಿಗಳು ಮತ್ತು ಇತರರಿಗೆ ಪೂರೈಸಲು ಆರೋಪಿಗಳು ಸಂಚು ಹೂಡಿದ್ದರು ಎಂಬ ಮಾಹಿತಿ ತಿಳಿದುಬಂದಿದೆ. ವಶಪಡಿಸಿಕೊಂಡ ಗಾಂಜಾದ ಮೌಲ್ಯ 50 ಲಕ್ಷರೂಪಾಯಿ ಎಂದು ಅಂದಾಜಿಸಲಾಗಿದೆ