ಕನ್ನಡ ಹಾಡು ಹಾಕಿದ್ದಕ್ಕೆ ರೋಷಾವೇಶ: ವಧು-ವರರ ಮೇಲೆ ಎಂಇಎಸ್​ ಪುಂಡರಿಂದ ಹಲ್ಲೆ

newsics.com

ಮದುವೆ ಮನೆಯಲ್ಲಿ ಕನ್ನಡ ಹಾಡು ಹಾಕಿದ್ದಾರೆ ಎಂದು ಕೋಪಗೊಂಡ ಎಂಇಎಸ್​ ಪುಂಡರು ವಧು ವರರು ಹಾಗೂ ವರನ ಸಹೋದರನ ಮೇಲೆ ಹಲ್ಲೆ ನಡೆಸಿದ ಘಟನೆಯು ಬೆಳಗಾವಿಯ ಧಾಮನೆ ಎಂಬ ಗ್ರಾಮದಲ್ಲಿ ನಿನ್ನೆ ತಡರಾತ್ರಿ ಸಂಭವಿಸಿದೆ. ಹಲ್ಲೆ ನಡೆಸಿದ್ದು ಮಾತ್ರವಲ್ಲದೇ ಎಂಇಎಸ್​ ಪುಂಡರು ಬೈಕ್​​ಗೆ ಬೆಂಕಿ ಹಚ್ಚಿ ವಿಕೃತಿ ಮೆರೆದಿದ್ದಾರೆ.

ಮದುವೆ ಮೆರವಣಿಗೆ ಸಂದರ್ಭದಲ್ಲಿ ಕರುನಾಡೇ.. ಎಂಬ ಗೀತೆಯನ್ನು ಹಾಕಲಾಗಿತ್ತು. ಇದಕ್ಕೆ ಯುವಕರು ಕನ್ನಡದ ಬಾವುಟವನ್ನಿಡಿದು ನರ್ತಿಸುತ್ತಿದ್ದರು. ಇದಕ್ಕೆ ಕೋಪಗೊಂಡ ದುಷ್ಕರ್ಮಿಗಳು ಸಿದ್ದು ಸೈಬಣ್ಣವರ್​ ಹಾಗೂ ರೇಷ್ಮಾ ದಂಪತಿ ಮೇಲೆ ಹಾಗೂ ವರನ ಸಹೋದರನ ಮೇಲೆ ಹಲ್ಲೆ ನಡೆಸಿದ್ದಾರೆ. ಈ ಸಂಬಂಧ ಪೊಲೀಸರು 10 ಮಂದಿಯನ್ನು ವಶಕ್ಕೆ ಪಡೆದಿದ್ದಾರೆ.

ಈ ಬಾರಿ ಮುಂಗಾರು ವಿಳಂಬ