newsics.com
ಬೆಂಗಳೂರು: ಬೆಂಗಳೂರು-ಮೈಸೂರು ನಡುವಿನ ರಾಷ್ಟ್ರೀಯ ಹೆದ್ದಾರಿ ಮುಂದಿನ ದಸರಾ ವೇಳೆಗೆ ಪ್ರಯಾಣಕ್ಕೆ ಮುಕ್ತವಾಗಲಿದೆ ಎಂದು ಕೇಂದ್ರ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತಿನ್ ಗಡ್ಕರಿ ತಿಳಿಸಿದ್ದಾರೆ.
ಈ ಹೆದ್ದಾರಿಯ ಬಳಕೆಯಿಂದ ಬೆಂಗಳೂರು -ಮೈಸೂರಿಗೆ ಒಂದೂವರೆ ಗಂಟೆಯಲ್ಲಿ ಪ್ರಯಾಣಿಸಬಹುದು. 8172ಕೋಟಿ ರೂ. ವೆಚ್ಚದಲ್ಲಿ ಹೆದ್ದಾರಿ ನಿರ್ಮಾಣವಾಗುತ್ತಿದೆ. 10 ಪಥದ ಹೆದ್ದಾರಿ ನಿರ್ಮಾಣ ಕಾರ್ಯ 2022ರ ಅಕ್ಟೋಬರ್ ವೇಳೆಗೆ ಮುಕ್ತಾಯವಾಗಲಿದೆ ಎಂದು ಅವರು ಮಾಹಿತಿ ನೀಡಿದ್ದಾರೆ.
ಪಟ್ಟಣದ ಹೊರವಲಯದಲ್ಲಿ ಸಾಗುವ ರಸ್ತೆ 9 ಬೃಹತ್‌ ಸೇತುವೆ, 44 ಸಣ್ಣ ಸೇತುವೆ , 4 ಓವರ್ ಬ್ರಿಡ್ಜ್ ಒಂದು ಅಂಡರ್ ಬ್ರಿಡ್ಜ್ ಒಳಗೊಂಡಿದೆ.
ಇದರೊಂದಿಗೆ ಟೋಲ್ ಗೇಟ್ ಅನ್ನು ಕೂಡ ನಿರ್ಮಾಣವಾಗಲಿದ್ದು, ಟೋಲ್ ದರ ನಿರ್ಧಾರವಾಗಬೇಕಿದೆ ಎಂದು ನಿತಿನ್ ಗಡ್ಕರಿ ತಿಳಿಸಿದ್ದಾರೆ.
