ಗುರುವಾರ ಕೇವಲ 10 ಶಾಸಕರು ಮಾತ್ರ ಸಚಿವರಾಗಿ ಪ್ರಮಾಣ ವಚನ ಸಂಭವ

ಬೆಂಗಳೂರು:   ಮೂಲ ಬಿಜೆಪಿಗರು ಮತ್ತು  ವಲಸೆ ಬಂದವರ ನಡುವಿನ ರಾಜಕೀಯ ಪೈಪೋಟಿ ಸಂಪುಟ ವಿಸ್ತರಣೆ ಮೇಲೆ ಕರಿ ನೆರಳು ಬೀರಿದೆ. ಕೇಂದ್ರ ಗೃಹ ಸಚಿವ ಅಮಿತ್ ಶಾ ಮುಖ್ಯಮಂತ್ರಿ ಯಡಿಯೂರಪ್ಪ ಜತೆ ಮಾತುಕತೆ ನಡೆಸಿದ್ದು, ಕೆಲವು ಗಂಭೀರ ಸಲಹೆ ನೀಡಿದ್ದಾರೆ ಎಂದು ವರದಿಯಾಗಿದೆ. ಸದ್ಯಕ್ಕೆ ಬಿಜೆಪಿ ಸರ್ಕಾರ ರಚನೆಗೆ ಕಾರಣರಾಗಿರುವ ಉಪ ಚುನಾವಣೆಯಲ್ಲಿ ಗೆದ್ದಿರುವ 10 ಶಾಸಕರನ್ನು ಮಾತ್ರ ಸಚಿವ ಸಂಪುಟಕ್ಕೆ ಸೇರಿಸಿ ಎಂಬ ಸೂಚನೆ ನೀಡಿದ್ದಾರೆ ಎನ್ನಲಾಗಿದೆ. ಆದರೆ ಈ ಸಂಬಂಧ ಯಾವುದೇ  ಅಧಿಕೃತ ಪ್ರತಿಕ್ರಿಯೆ ಬಿಜೆಪಿ ನೀಡಿಲ್ಲ. ಮುಖ್ಯವಾಗಿ ಸಿ ಪಿ. ಯೋಗ್ವೇಶರ್  ಗೆ ಸಚಿವ ಸ್ಥಾನ ನೀಡುವುದಕ್ಕೆ  ಬಿಜೆಪಿ ಹಿರಿಯ ನಾಯಕರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ ಎನ್ನಲಾಗಿದೆ.