ಸತತ ಮಳೆ; ಹಂಪಿಯ ಬಸವಣ್ಣ ಮಂಟಪದ ಕಲ್ಲು ಕುಸಿತ

newsics.com
ಬಳ್ಳಾರಿ: ಸತತವಾಗಿ ಸುರಿಯುತ್ತಿರುವ ಮಳೆಯಿಂದಾಗಿ ಹೊಸಪೇಟೆ ತಾಲ್ಲೂಕಿನ ಹಂಪಿ ‘ಎದುರು ಬಸವಣ್ಣ’ ಮಂಟಪದ ಕಲ್ಲುಗಳು ಭಾನುವಾರ ಕುಸಿದುಬಿದ್ದಿವೆ.
ಮಳೆ ನೀರಿಗೆ ಗೋಡೆ ನೆನೆದು ಮಂಟಪದ ಕಲ್ಲುಗಳು ಬಿದ್ದಿರುವ ಸಾಧ್ಯತೆ ಇದೆ. ಈ ಹಿಂದೆಯೂ ಈ ಮಂಟಪದ ಕಲ್ಲುಗಳು ಬಿದ್ದಿವೆ ಎಂದು ಭಾರತೀಯ ಪುರಾತತ್ವ ಸರ್ವೇಕ್ಷಣ ಇಲಾಖೆ ಹಂಪಿ ವೃತ್ತದ ಡೆಪ್ಯುಟಿ ಸೂಪರಿಟೆಂಡೆಂಟ್‌ ಪಿ. ಕಾಳಿಮುತ್ತು ತಿಳಿಸಿದ್ದಾರೆ. ಬಳ್ಳಾರಿ ಜಿಲ್ಲೆಯಲ್ಲಿ ಶನಿವಾರ ರಾತ್ರಿ ಆರಂಭಗೊಂಡ ಜಿಟಿಜಿಟಿ ಮಳೆ ಭಾನುವಾರ ದಿನವಿಡೀ ಸುರಿದಿದೆ. ಸತತ ಮಳೆಗೆ ವಾತಾವರಣ ಸಂಪೂರ್ಣ ತಂಪಾಗಿದೆ.