ಕೊಡವ ಕೌಟುಂಬಿಕ ಹಾಕಿ ಉತ್ಸವದ ರೂವಾರಿ ಪಾಂಡಂಡ ಕುಟ್ಟಪ್ಪ ನಿಧನ

ಬೆಂಗಳೂರು/ ಮಡಿಕೇರಿ: ಕೊಡವ ಕೌಟುಂಬಿಕ ಹಾಕಿ ಉತ್ಸವದ ರೂವಾರಿ ಪಾಂಡಂಡ ಕುಟ್ಟಪ್ಪ (86) ಬೆಂಗಳೂರಿನ ಬಸವೇಶ್ವರ ನಗರದಲ್ಲಿರುವ ತಮ್ಮ ಮಗನ ಮನೆಯಲ್ಲಿ ನಿಧನರಾದರು.
ನಿವೃತ್ತ ಎಸ್‌ಬಿಐ ಮ್ಯಾನೇಜರ್‌ ಮತ್ತು ಹಾಕಿ ರೆಫ್ರಿ ಆಗಿದ್ದ ಕುಟ್ಟಪ್ಪ ಅವರ ಪ್ರಯತ್ನದ ಫಲವಾಗಿ ಮೊಟ್ಟ ಮೊದಲು 1997ರಲ್ಲಿ ಕೊಡವ ಕೌಟುಂಬಿಕ ಹಾಕಿ ಉತ್ಸವ ಆರಂಭಗೊಂಡಿತು. ಈ ಉತ್ಸವಕ್ಕೆ ಕುಟ್ಟಪ್ಪ ಹಾಗೂ ಅವರ ಸಹೋದರ ಹಣಕಾಸು ವೆಚ್ಚ ಭರಿಸಿದ್ದರು. ಅಂದು ಕೇವಲ 60 ತಂಡಗಳಿಂದ ಆರಂಭಗೊಂಡ ಪಾಂಡಂಡ ಕಪ್‌ ಹಾಕಿ ಕ್ರೀಡಾ ಉತ್ಸವ ಇಂದು 350 ಕ್ಕೂ ಅಧಿಕ ತಂಡಗಳನ್ನು ಹೊಂದಿದೆ.