ಭಾರವಾದ ಹೃದಯದೊಂದಿಗೆ ಸಾಹಿತ್ಯ ಸಮ್ಮೇಳನಕ್ಕೆ ಕಲಬುರ್ಗಿ ವಿದಾಯ

ಕಲಬುರ್ಗಿ:  ಕಳೆದ ಮೂರು ದಿನಗಳ ಕಾಲ ನಡೆದ ನುಡಿ ಹಬ್ಬ, ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನಕ್ಕೆ ಕಲಬುರ್ಗಿಯಲ್ಲಿ ತೆರೆ ಬಿದ್ದಿದೆ.  ಮೂರು ದಿನಗಳ ಕಾಲ ಅತ್ಯಂತ ಅಚ್ಚುಕಟ್ಟಾಗಿ ನಡೆದ ಸಾಹಿತ್ಯ ಸಮ್ಮೇಳನ ವ್ಯಾಪಕ ಪ್ರಶಂಸೆಗೆ ಪಾತ್ರವಾಗಿದೆ.  ಈ ಸಮ್ಮೇಳನ ಕೇವಲ ಶಿಕ್ಷಿತರಿಗೆ ಮಾತ್ರ ಸೀಮಿತವಾಗಿರಲ್ಲಿಲ. ಶಾಲೆಯ ಮೆಟ್ಟಲು ಹತ್ತದ ಎಷ್ಟೋ ಮಂದಿ ಕೂಡ  ಈ ಸಮ್ಮೇಳನ ಮನೆಯ ಹಬ್ಬ ಎಂಬಂತೆ ಸಂಭ್ರಮಿಸಿದ್ದರು. ಶುಚಿತ್ವ ಸೇರಿದಂತೆ  ಅದೆಷ್ಟೊ ಕೆಲಸಗಳಲ್ಲಿ ಈ  ಮಂದಿ ಈ ಕನ್ನಡ ಸೇವೆಯಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದರು.  33 ವರ್ಷಗಳ ಬಳಿಕ ನಡೆದ ಸಮ್ಮಳನದ  ನೆನಪಿನೊಂದಿಗೆ ಇದೀಗ  ಮುಂದೆ ಸಮ್ಮೇಳನ ಯಾವಾಗ ಬರಲಿದೆ ಎಂಬ  ನಿರೀಕ್ಷೆಯಲ್ಲಿದ್ದಾರೆ. ಸಾಹಿತ್ಯ ಪ್ರೇಮಿಗಳು  ಈ ಸಾಹಿತ್ಯ ಸಮ್ಮೇಳನಕ್ಕೆ ಭಾರವಾದ ಹೃದಯದಿಂದ ವಿದಾಯ ಹೇಳಿದ್ದಾರೆ.