ಈರುಳ್ಳಿ ಇನ್ನಷ್ಟು ದುಬಾರಿ ಸಾಧ್ಯತೆ

* ಜನವರಿ 20ಕ್ಕೆ ಈರುಳ್ಳಿ ಆಮದು ನವದೆಹಲಿ: ವಿದೇಶಿ ಈರುಳ್ಳಿ ದೇಶಕ್ಕೆ ಆಮದಾಗುವವರೆಗೂ ಈರುಳ್ಖಿ ಬೆಲೆ ಇಳಿಯುವ ಸಾಧ್ಯತೆಯಿಲ್ಲ. ಈರುಳ್ಳಿ ಇನ್ನಷ್ಟು ದುಬಾರಿಯಾಗಲಿದೆ.ಜನವರಿ 20ರ ಹೊತ್ತಿಗೆ ಈರುಳ್ಳಿ ಆಮದಾಗಲಿದೆ ಎಂದು ಕೇಂದ್ರ ಸರ್ಕಾರ ಸಂಸತ್ತಿಗೆ ತಿಳಿಸಿದೆ. ಹೀಗಾಗಿ ಅಲ್ಲಿವರೆಗೂ ಈರುಳ್ಳಿ ಬೆಲೆ ಇಳಿಯುವುದು ಅಸಾಧ್ಯ ಎಂದೂ ಕೇಂದ್ರ ಹೇಳಿದೆ.ಈರುಳ್ಳಿ ಬೆಲೆ ತಡೆಯಲು ಸರ್ಕಾರ 21,000 ಟನ್‌ ಆಮದು ಮಾಡಲು ನಿರ್ಧರಿಸಿದೆ. ಇದರ ಜತೆಗೆ ಈಗಾಗಲೇ ಈರುಳ್ಳಿ ರಫ್ತನ್ನು ನಿಷೇಧಿಸಲಾಗಿದೆ ಎಂದು ರಾಜ್ಯಸಭೆಯಲ್ಲಿ ಗ್ರಾಹಕರ ವ್ಯವಹಾರಗಳ ಇಲಾಖೆಯ ಸಹಾಯಕ ಸಚಿವ ದಾನ್ವೆ ರಾವ್‌ ಸಾಹೇಬ್‌ ದಾದಾರಾವ್‌ ತಿಳಿಸಿದ್ದಾರೆ.