ಜೈಪುರ ಸ್ಫೋಟ: ನಾಲ್ವರಿಗೆ ಗಲ್ಲು ಶಿಕ್ಷೆ

ಜೈಪುರ: ಜೈಪುರದಲ್ಲಿ ಸಂಭವಿಸಿದ್ದ ಸರಣಿ ಬಾಂಬ್ ಸ್ಫೋಟದ ನಾಲ್ವರು ಅಪರಾಧಿಗಳಿಗೆ ವಿಶೇಷ ನ್ಯಾಯಾಲಯ ಮರಣದಂಡನೆ ಶಿಕ್ಷೆ ವಿಧಿಸಿದೆ. ಓರ್ವನನ್ನು ಖುಲಾಸೆಗೊಳಿಸಿದೆ.2008ರಲ್ಲಿ ನಡೆದಿದ್ದ ಈ ಸರಣಿ ಬಾಂಬ್ ಸ್ಫೋಟದಲ್ಕಿ 80 ಮಂದಿ ಸಾವಿಗೀಡಾಗಿ, 170 ಕ್ಕೂ ಹೆಚ್ಚು ಜನ ಗಾಯಗೊಂಡಿದ್ದರು.ಸ್ಫೋಟಕ್ಕೆ ಕಾರಣರಾಗಿದ್ದ ಮಹಮ್ಮದ್ ಸೈಫ್, ಸರ್ವಾರ್ ಆಜ್ಮಿ, ಸಲ್ಮಾನ್ ಮತ್ತು ಸೈಫುರ್ ರೆಹಮಾನ್ ಮರಣದಂಡನೆಗೆ ಒಳಗಾದವರು. ಶಹಬಾಜ್ ಹುಸ್ಸೇನ್ ಖುಲಾಸೆಗೊಂಡಿದ್ದಾನೆ.ಮಾಸ್ಟರ್ ಮೈಂಡ್ ಉತ್ತರಪ್ರದೇಶ ಮೂಲದ ಅಜ್ಮಗರ್ನ ಮಹಮ್ಮದ್ ಅತಿನ್ ಎಂಬಾತನನ್ನು ದೆಹಲಿ ಬಾಟ್ಲಾಹೌಸ್ನಲ್ಲಿ ಎನ್ಕೌಂಟರ್ ಮಾಡಲಾಗಿತ್ತು.ಇಂಡಿಯನ್ ಮುಜಾಹಿದ್ದೀನ್ನ ಸದಸ್ಯರು ಪ್ರಕರಣದಲ್ಲಿ ಭಾಗಿಯಾಗಿದ್ದರು. ಒಟ್ಟು 10 ಸ್ಥಳದಲ್ಲಿ ಬಾಂಬ್ ಇಟ್ಟಿದ್ದರು. ಅದರಲ್ಲಿ 9 ಕಡೆ ಸ್ಫೋಟಗೊಂಡು ಸಾವು ನೋವು ಉಂಟಾಗಿತ್ತು.