ಹೈದರಾಬಾದ್ : ನಾಲ್ವರು ಅತ್ಯಾಚಾರಿಗಳ ಎನ್ ಕೌಂಟರ್

ಹೈದರಾಬಾದ್ :   ದೇಶಾದ್ಯಂತ ತಲ್ಲಣ ಸೃಷ್ಚಿಸಿದ್ದ ಹೈದರಾಬಾದ್ ಅತ್ಯಾಚಾರ ಪ್ರಕರಣದ ನಾಲ್ಕು ಮಂದಿ ಆರೋಪಿಗಳು ಎನ್ ಕೌಂಟರ್ ಗೆ ಬಲಿಯಾಗಿದ್ದಾರೆ. ಇಂದು ಮುಂಜಾನೆ 3. 30ರ ಹೊತ್ತಿಗೆ ಎನ್ ಕೌಂಟರ್ ನಲ್ಲಿ ನಾಲ್ವರು ಆರೋಪಿಗಳು ಸಾವನ್ನಪ್ಪಿದ್ದಾರೆ. ಹೈದರಾಬಾದ್ ಸಮೀಪದ ಶಾದ್ ನಗರದಲ್ಲಿ ಈ ಘಟನೆ ಸಂಭವಿಸಿದೆ.ಅರೀಫ್, ಶಿವ , ಚೆನ್ನಕೇಶವ ಮತ್ತು ನವೀನ್ ಎನ್ ಕೌಂಟರ್ ನಲ್ಲಿ ಸಾವನ್ನಪ್ಪಿದ ದುರುಳರು. ರಾತ್ರಿ ಸಹಾಯ ಮಾಡುವ ನೆಪದಲ್ಲಿ ಮಹಿಳೆಯೊಬ್ಬರನ್ನು ಅಪಹರಿಸಿ ಅವರ ಮೇಲೆ ಅತ್ಯಾಚಾರ ಎಸಗಿ ಬೆಂಕಿ ಹಚ್ಚಿ ಕೊಲ್ಲಲಾಗಿತ್ತು.