ಬೆಂಗಳೂರು: ರಾಜ್ಯದಲ್ಲಿ ಕೊರೋನಾ ಸೋಂಕಿನ ಸಂಖ್ಯೆ ಏರುತ್ತಲೇ ಇದ್ದು, ಭಾನುವಾರ 5532 ಸೋಂಕು ಪ್ರಕರಣಗಳು ಪತ್ತೆಯಾಗಿವೆ. 84 ಮಂದಿ ಮೃತಪಟ್ಟಿದ್ದಾರೆ.
ಭಾನುವಾರ ಬೆಂಗಳೂರಿನಲ್ಲಿ 2105 ಮಂದಿಗೆ ಕೊರೋನಾ ಸೋಂಕು ತಗುಲಿದ್ದು, 21 ಮಂದಿ ಕೊರೋನಾಗೆ ಬಲಿಯಾಗಿದ್ದಾರೆ.
ರಾಜ್ಯದಲ್ಲಿ ಒಟ್ಟಾರೆ ಸೋಂಕಿತರ ಸಂಖ್ಯೆ 1,34,819 ಲಕ್ಷಕ್ಕೆ ಏರಿಕೆಯಾಗಿದ್ದು, ಸಾವಿನ ಸಂಖ್ಯೆ 2496ಕ್ಕೆ ಜಿಗಿದಿದೆ. 57,725 ಮಂದಿ ಗುಣಮುಖರಾಗಿದ್ದು, 74,590 ಮಂದಿ ವಿವಿಧ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಬೆಂಗಳೂರು ನಗರ – 2105, ಬಳ್ಳಾರಿ – 377, ಕಲಬುರ್ಗಿ ಮತ್ತು ಮೈಸೂರು – 238, ರಾಯಚೂರು – 212, ಉಡುಪಿ – 182, ಧಾರವಾಡ – 181, ದಾವಣಗೆರೆ – 178, ಬೆಳಗಾವಿ – 172, ದಕ್ಷಿಣ ಕನ್ನಡ – 163, ಹಾವೇರಿ – 146, ಹಾಸನ – 142, ಬೀದರ್ – 135, ಬಾಗಲಕೋಟೆ – 131, ವಿಜಯಪುರ – 113, ಶಿವಮೊಗ್ಗ – 99, ಮಂಡ್ಯ – 97, ಗದಗ – 88, ಕೊಪ್ಪಳ – 87, ರಾಮನಗರ – 71, ಚಿಕ್ಕಬಳ್ಳಾಪುರ – 55, ಕೋಲಾರ – 51, ಚಿತ್ರದುರ್ಗ – 46, ಚಿಕ್ಕಮಗಳೂರು – 40, ಯಾದಗಿರಿ – 39, ಬೆಂಗಳೂರು ಗ್ರಾಮಾಂತರ – 38, ತುಮಕೂರು – 35, ಚಾಮರಾಜನಗರ – 31, ಉತ್ತರ ಕನ್ನಡ – 26 ಮತ್ತು ಕೊಡಗು – 16 ಜನರು ಸೇರಿದಂತೆ ಇಂದು 5532 ಜನರಿಗೆ ಕೊರೋನಾ ಪಾಸಿಟಿವ್ ಎಂಬುದಾಗಿ ದೃಢಪಟ್ಟಿದೆ. ಈ ಮೂಲಕ ಸೋಂಕಿತರ ಸಂಖ್ಯೆ 1,34,819ಕ್ಕೆ ಏರಿಕೆಯಾಗಿದೆ.
ಇದುವರೆಗೆ ರಾಜ್ಯದಲ್ಲಿ ಕೊರೋನಾ ಸೋಂಕಿತರಾದ 57,725 ಸೋಂಕಿತರು ಸಂಪೂರ್ಣವಾಗಿ ಗುಣಮುಖರಾಗುವ ಮೂಲಕ, ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ. ಹೀಗಾಗಿ ರಾಜ್ಯದಲ್ಲಿ ಸಕ್ರಿಯ ಕೊರೋನಾ ಸೋಂಕಿತರ ಸಂಖ್ಯೆ 74,590 ಆಗಿದೆ.
