Saturday, September 25, 2021

ವರ್ಷದಲ್ಲಿ ಐದು ರಾಜ್ಯಗಳನ್ನು ‘ಕೈ’ಗೆ ಧಾರೆ ಎರೆದ ಬಿಜೆಪಿ…!

Follow Us

ಬೆಂಗಳೂರು: ಕೇಂದ್ರದಲ್ಲಿ ಎರಡನೇ ಬಾರಿಗೆ ಗದ್ದುಗೆಗೇರುತ್ತಿದ್ದಂತೆ ಮುಂದಿನ  ಐದು ವರ್ಷಗಳಲ್ಲಿ  ಕಾಂಗ್ರೆಸ್  ಮುಕ್ತ ಭಾರತ ಮಾಡುವುದಾಗಿ  ಘೋಷಿಸಿದ್ದ ಬಿಜೆಪಿ, ಕೇವಲ ಎರಡು ತಿಂಗಳಲ್ಲಿ ಎರಡು ರಾಜ್ಯಗಳಲ್ಲಿ ಅಡಳಿತವನ್ನು ಕಳೆದುಕೊಂಡಿದೆ.

ಇದರಿಂದ ಕಳೆದ ಒಂದು ವರ್ಷದಲ್ಲಿ ಐದು ರಾಜ್ಯಗಳು ಕೇಸರಿ ಪಡೆಯ ‘ಕೈ’ ತಪ್ಪಿದಂತಾಗಿದೆ. ಇಂದು ಪ್ರಕಟಗೊಂಡ ಜಾರ್ಖಂಡ್ ಚುನಾವಣಾ ಫಲಿತಾಂಶದಲ್ಲಿ ೮೧ ಸ್ಥಾನಗಳ ಪೈಕಿ  ಜಾರ್ಖಂಡ್ ಮುಕ್ತಿ ಮೋರ್ಚಾ, ಕಾಂಗ್ರೆಸ್ ಹಾಗೂ  ಆರ್‌ಜೆಡಿ ಮೈತ್ರಿಕೂಟ ಸ್ಪಷ್ಟ  ಬಹುಮತ ಪಡೆದುಕೊಂಡಿದ್ದು, ಮೂರು ಪಕ್ಷಗಳ ಮೈತ್ರಿಕೂಟ  ಮ್ಯಾಜಿಕ್  ಸಂಖ್ಯೆಯ ಗಟಿ  ದಾಟಿದೆ.

ಕಳೆದೊಂದು ವರ್ಷದಲ್ಲಿ ಬಿಜೆಪಿ ಮಧ್ಯಪ್ರದೇಶ, ರಾಜಸ್ಥಾನ, ಚತ್ತೀಸ್ ಘಡ,   ಹಾಗೂ  ಜಾರ್ಖಂಡ್‌ನಲ್ಲಿ ಅಧಿಕಾರ ಕಳೆದುಕೊಂಡಿದೆ.

ಕೇಂದ್ರದಲ್ಲಿ ಎರಡನೇ ಬಾರಿ  ಅಧಿಕಾರಕ್ಕೆ ಬಂದರೂ ಪ್ರಮುಖ ರಾಜ್ಯಗಳಲ್ಲಿ  ಅಧಿಕಾರ ಕಳೆದುಕೊಂಡಿರುವುದು  ಹಿರಿಯ ಬಿಜೆಪಿ ನಾಯಕರನ್ನು ತೀವ್ರವಾಗಿ  ಕಂಗೆಡಿಸಿದೆ.

ಮಹಾರಾಷ್ಟ್ರದಲ್ಲಿ ಶಿವಸೇನೆ ಜತೆಗೂಡಿ ಬಹುಮತ ಸಾಧಿಸಿದರೂ, ಕೊನೆಯ ಕ್ಷಣದಲ್ಲಿ ಶಿವಸೇನೆ ಮೈತ್ರಿಯಿಂದ ನಿರ್ಗಮಿಸಿ ಬಿಜೆಪಿಗೆ ಅಧಿಕಾರ ಕೈತಪ್ಪುವಂತೆ ಮಾಡಿದೆ. ಮಧ್ಯಪ್ರದೇಶದಲ್ಲಿ ಬಿಜೆಪಿ ಅತಿ ಕಡಿಮೆ ಸ್ಥಾನಗಳೊಂದಿಗೆ ಅಧಿಕಾರ ಕಳೆದುಕೊಂಡಿದೆ.  ಛತ್ತೀಸ್ ಘಡ ಚುನಾವಣೆಯಲ್ಲಿ  ರಮಣ್  ಸಿಂಗ್ ನೇತೃತ್ವದಲ್ಲಿ   ಬಿಜೆಪಿ  ಹೀನಾಯವಾಗಿ ಸೋತಿದೆ. ರಾಜಸ್ಥಾನದಲ್ಲಿ ವಸುಂಧರಾ ರಾಜೇ ನೇತೃತ್ವದ ಸರ್ಕಾರದ ವಿರೋಧಿ ಅಲೆ ಕಾಂಗ್ರೆಸ್ ಗೆ ವರದಾನವಾಗಿ ಪರಿಣಮಿಸಿದೆ.

ಒಂದೇ ವರ್ಷದಲ್ಲಿ ಐದು ಪ್ರಮುಖ ರಾಜ್ಯಗಳು ತನ್ನ ತೆಕ್ಕೆಯಿಂದ ಕೈಜಾರಿರುವುದು ಬಿಜೆಪಿಯನ್ನು ಕಂಗೆಡಿಸಿದೆ. ಸದ್ಯದಲ್ಲೇ ನಡೆಯಲಿರುವ ದೆಹಲಿ ವಿಧಾನಸಭೆ ಮತ್ತು ಪಶ್ಚಿಮ ಬಂಗಾಳ ಚುನಾವಣೆಗಳು ಬಿಜೆಪಿಗೆ ಸವಾಲಾಗಿ ಪರಿಣಮಿಸುವ ನಿರೀಕ್ಷೆಯಿದೆ. ಹೀಗಾಗಿ, ಚುನಾವಣಾ ಕಾರ್ಯಸೂಚಿ ಮತ್ತು ಕಾರ್ಯತಂತ್ರ ರೂಪಿಸುವಾಗ ಕೇವಲ ಪ್ರಧಾನಿ ಮೋದಿಯನ್ನಷ್ಟೇ ನೆಚ್ಚಿಕೊಳ್ಳದೆ ಹೆಚ್ಚು ಜಾಗೃತೆ ವಹಿಸುವ ಸಾಧ್ಯತೆಗಳಿವೆ ಎಂಬುದು ರಾಜಕೀಯ ವಿಶ್ಲೇಷಕರ ಅಭಿಪ್ರಾಯ.

ಮತ್ತಷ್ಟು ಸುದ್ದಿಗಳು

Latest News

ಸುಪ್ರೀಂ ಕೋರ್ಟ್’ನ ಅಧಿಕೃತ ಇ-ಮೇಲ್’ನಲ್ಲಿದ್ದ ಪ್ರಧಾನಿ‌ ಫೋಟೊ ತೆರವಿಗೆ ಸೂಚನೆ

newsics.com ನವದೆಹಲಿ: ಸುಪ್ರೀಂ ಕೋರ್ಟ್ ನ ಅಧಿಕೃತ ಇ-ಮೇಲ್ ಗಳಲ್ಲಿರುವ ಪ್ರಧಾನಿ‌ ಮೋದಿ‌ ಭಾವಚಿತ್ರವನ್ನು ತಕ್ಷಣ ತೆಗೆಯುವಂತೆ ರಾಷ್ಟ್ರೀಯ ಮಾಹಿತಿ ಕೇಂದ್ರಕ್ಕೆ ಸುಪ್ರೀಂ ಕೋರ್ಟ್ ಸೂಚಿಸಿದೆ. ಸರ್ವೋಚ್ಛ ನ್ಯಾಯಾಲಯದ...

ಪಂಜಾಬ್’ಗೆ 5 ರನ್’ಗಳ ರೋಚಕ ಜಯ

newsics.com ಶಾರ್ಜಾ: ಪಂಜಾಬ್ ಕಿಂಗ್ಸ್ ನೀಡಿದ್ದ 125 ರನ್ ಗಳ ಅತ್ಯಂತ ಸಾಧಾರಣ ಮಟ್ಟದ ಗುರಿಯನ್ನು ತಲುಪಲಾಗದ ಸನ್ರೈಸರ್ಸ್ ಹೈದರಾಬಾದ್ ತಂಡ ಹೀನಾಯ ಸೋಲನ್ನು ಅನುಭವಿಸಿದೆ. ಇಂಡಿಯನ್ ಪ್ರೀಮಿಯರ್ ಲೀಗ್ 14ನೇ ಆವೃತ್ತಿಯ 37ನೇ ಪಂದ್ಯದಲ್ಲಿ...

‘ಕೋಟಿಗೊಬ್ಬ 3’ ಶೀಘ್ರ ಬಿಡುಗಡೆ: 120 ಅಡಿಯ ಸುದೀಪ್ ಕಟೌಟ್!

newsics.com ಬೆಂಗಳೂರು: ಕೊರೋನಾ ಲಾಕ್'ಡೌನ್ ಬಳಿಕ ಈಗ ಚಿತ್ರಮಂದಿರಗಳು ಪೂರ್ಣಪ್ರಮಾಣದಲ್ಲಿ ತೆರೆದಿವೆ. ಹೀಗಾಗಿ ಬಗ್ ಬಜೆಟ್ ನ ಸ್ಟಾರ್ ಸಿನಿಮಾಗಳು ತೆರೆ ಕಾಣಲು ಸಿದ್ಧವಾಗುತ್ತಿವೆ. ಕಟೌಟ್ ಗಳೂ ರೆಡಿಯಾಗುತ್ತಿವೆ. ಈ ವರ್ಷದ ಬಹುನಿರೀಕ್ಷಿತ ಸಿನಿಮಾಗಳಲ್ಲಿ ಒಂದಾದ...
- Advertisement -
error: Content is protected !!