ಹಿಂದೂ ಮಹಾ ಸಾಗರದ ಮೇಲೆ ಹದ್ದಿನ ಕಣ್ಣು: ದಕ್ಷಿಣ ಭಾರತದಲ್ಲಿ ಮೊದಲ ಸುಖೋಯ್ ನೆಲೆ

ನವದೆಹಲಿ:   ಹಿಂದೂ ಮಹಾ ಸಾಗರದಲ್ಲಿ ತನ್ನ ಹಿಡಿತ ಬಲಗೊಳಿಸುವತ್ತ ಚೀನಾ ಪ್ರಯತ್ನಿಸುತ್ತಿದ್ದು, ಇದಕ್ಕೆ ಪರ್ಯಾಯವಾಗಿ ಭಾರತ ಕೂಡ ವ್ಯೂಹಾತ್ಮಕ ನೆಲೆಗಳ ಅಭಿವೃದ್ದಿಗೆ ಚಾಲನೆ ನೀಡಿದೆ. ಇದರ ಮೊದಲ ಭಾಗವಾಗಿ ದಕ್ಷಿಣ ಭಾರತದ ತಂಜಾವೂರಿನಲ್ಲಿ ಅತ್ಯಾಧುನಿಕ ಸುಖೋಯ್ ವಿಮಾನಗಳ ನೆಲೆ ಸ್ಥಾಪಿಸಲಾಗಿದ್ದು, ಇಂದು ಅಧಿಕೃತವಾಗಿ ಆರಂಭವಾಗಲಿದೆ. ಟೈಗರ್ ಶಾರ್ಕ್ಸ್ ಎಂದು ಈ ವೈಮಾನಿಕ ದಳಕ್ಕೆ ಹೆಸರಿಡಲಾಗಿದೆ. ಆರಂಭದಲ್ಲಿ ಅತ್ಯಾಧುನಿಕ 6 ಸುಖೋಯ್ ಯುದ್ದ ವಿಮಾನಗಳು ಇಲ್ಲಿ ತಂಗಲಿವೆ. ಬ್ರಹ್ಮೋಸ್ ಕ್ಷಿಪಣಿಯಿಂದ ಸಜ್ಜಿತವಾಗಿರುವ ಈ ಯುದ್ದ ವಿಮಾನಗಳು  1500 ಕಿಲೋ ಮೀಟರ್ ವರೆಗೆ   ಮಧ್ಯದಲ್ಲಿಇಂಧನ ತುಂಬಿಸದೇ ಹಾರಾಟ ನಡೆಸಬಲ್ಲ ಸಾಮಾರ್ಥ್ಯ ಹೊಂದಿವೆ. ವರ್ಷದ ಅಂತ್ಯದಲ್ಲಿ ತಂಜಾವೂರಿಗೆ  18 ಸುಖೋಯ್ ವಿಮಾನಗಳು  ಆಗಮಿಸಲಿವೆ.