ಇದು ಹಾವುಗಳ ಸರಸವಲ್ಲ, ಕಾದಾಟವಂತೆ!

ನವದೆಹಲಿ: ಭಾರೀ ಗಾತ್ರದ ಎರಡು ಹಾವುಗಳು ಕಾದಾಡುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಅರಣ್ಯಾಧಿಕಾರಿ ಸುಶಾಂತ ನಂದ ಎಂಬುವರು ಈ ವಿಡಿಯೋವನ್ನು ಪೋಸ್ಟ್ ಮಾಡಿದ್ದು, ಈ ಹಾವುಗಳನ್ನು rat ಸ್ನೇಕ್ ಎಂದು ಗುರುತಿಸಲಾಗಿದೆ.
ಮೈನವಿರೇಳಿಸುವ ಹಾವುಗಳ ಕಾದಾಟ ಒಂದು ಸಣ್ಣ ಹಳ್ಳದಲ್ಲಿ ಆರಂಭವಾಗಿ ಪರಸ್ಪರ ಸುತ್ತಿಕೊಂಡು ಕಾದಾಡುತ್ತಲೇ ದಂಡೆಯ ಮೇಲ್ಭಾಗಕ್ಕೆ ಬಂದಿವೆ.

ಕೊರೋನಾ ಸೋಂಕಿತ ಕೋತಿಗಳಿಗೆ ಲಸಿಕೆ; ಗುಣಾತ್ಮಕ ಫಲಿತಾಂಶ

ಮೇಲ್ನೋಟಕ್ಕೆ ಈ ಹಾವುಗಳು ಮಿಲನದಲ್ಲಿ ತೊಡಗಿಕೊಂಡಿವೆ ಎಂದು ಅನಿಸಿದರೂ, ಇಂತಹ ಅನಿಸಿಕೆ ತಪ್ಪು ಎಂದಿದ್ದಾರೆ ಅರಣ್ಯಾಧಿಕಾರಿ ಸುಶಾಂತ್ ನಂದ. ಇವು ಗಂಡು ಹಾವುಗಳಾಗಿದ್ದು ತಮ್ಮ ಸಂಗಾತಿಯನ್ನು ರಕ್ಷಿಸಿಕೊಳ್ಳಲು ಮತ್ತು ಪ್ರದೇಶದ ಉಳಿವಿಗಾಗಿ ಹೋರಾಡುತ್ತಿವೆ ಎಂದು ಸುಶಾಂತ್ ನಂದ ತಿಳಿಸಿದ್ದಾರೆ. ನ್ಯಾಷನಲ್ ಜಿಯಾಗ್ರಫಿಕ್ ಪ್ರಕಾರ, ಎರಡು ಹಾವುಗಳು ಈ ರೀತಿ ಪರಸ್ಪರ ಸುತ್ತಿಕೊಂಡು ಕಾಳಗ ನಡೆಸುವುದನ್ನು plaiting combat ಎಂದು ಕರೆಯುತ್ತಾರೆ. ಈ ಹೋರಾಟ ಒಂದು ಹಾವು ಸುಸ್ತಾಗಿ ಕೆಳಗೆ ಬೀಳುವರೆಗೂ ಮುಂದುವರಿದಿರುತ್ತದೆ ಎಂದು ಹೇಳಲಾಗಿದೆ.

Rat snakes combat for dominance.
Two male fighting to define their territory & defend their mate. pic.twitter.com/FVn2FIXHte

— Susanta Nanda IFS (@susantananda3) July 31, 2020