ಎನ್‌ಎಸ್ ಜಿ ಕಮಾಂಡೋ ಪಡೆಗೂ ತಗುಲಿತು ಕೊರೋನಾ ಸೋಂಕು

ನವದೆಹಲಿ: ಎನ್‌ಎಸ್ ಜಿ ಕಮಾಂಡೋ ಪಡೆಯ ವೈದ್ಯಕೀಯ ಸಿಬ್ಬಂದಿಯೊಬ್ಬರಿಗೆ ಕೊರೋನಾ ಸೋಂಕು ತಗುಲಿದೆ.
ಇದೇ ಮೊದಲ ಬಾರಿ ಕಮಾಂಡೋ ಪಡೆಯಲ್ಲಿ ಕೊರೋನಾ ಸೋಂಕು ದೃಢಪಟ್ಟಿದ್ದು, 33 ವರ್ಷದ ಕಾಂಬಾಟ್ ಶ್ರೇಣಿಯ ಬ್ಲ್ಯಾಕ್ ಕ್ಯಾಟ್ ಕಮಾಂಡೋ ಪಡೆಯಲ್ಲಿ ಸೇವೆ ಸಲ್ಲಿಸುತ್ತಿರುವ ಸಿಬ್ಬಂದಿಗೆ ಸೋಂಕು ತಗುಲಿದೆ.
ಕೊರೋನಾ ಸೋಂಕಿತ ಎನ್‌ಎಸ್ ಜಿ ಸಿಬ್ಬಂದಿಯನ್ನು ಆಸ್ಪತ್ರೆಯ ಕರ್ತವ್ಯಕ್ಕೆ ನಿಯೋಜಿಸಲಾಗಿತ್ತು. ಬಳಿಕ ಎರಡು ವಾರ ಕ್ವಾರಂಟೇನ್ ಗೆ ಕಳುಹಿಸಲಾಗಿತ್ತು. ಆಗ ಕೊರೋನಾ ರೋಗ ಲಕ್ಷಣಗಳು ಕಾಣಿಸಿಕೊಂಡಿವೆ. ಈಗ ಎನ್‌ಎಸ್ ಜಿ ಸಿಬ್ಬಂದಿಯನ್ನು ಗ್ರೇಟರ್ ನೋಯ್ಡಾದ ಸಿಎಪಿಎಫ್ ನ ರೆಫರೆಲ್ ಆಸ್ಪತ್ರೆಗೆ ದಾಖಲಿಸಲಾಗಿದೆ.