Wednesday, May 25, 2022

ಋತುಮಾನಕ್ಕೆ ತಕ್ಕಂತೆ ಕೊರೋನಾ ಬದಲಾಗುವ ಸಾಧ್ಯತೆ- ವಿಜ್ಞಾನಿಗಳ ಅಭಿಮತ

Follow Us

newsics.com
ವಾಷಿಂಗ್ಟನ್: ಸಮಶೀತೋಷ್ಣ ವಲಯ ದೇಶಗಳಲ್ಲಿ ಕೊರೋನಾ ಋತುಮಾನಕ್ಕೆ ತಕ್ಕಂತೆ ಬದಲಾಗುವ ಸಾಧ್ಯತೆ ಇದೆ. ಭಾರತದಂತಹ ಉಷ್ಣ ವಲಯದ ದೇಶಗಳಲ್ಲಿ ವರ್ಷಪೂರ್ತಿ ಕೊರೋನಾ ಇರುತ್ತದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.
ಸಮಶೀತೋಷ್ಣ ವಲಯದಲ್ಲಿ ಹಲವು ಉಸಿರಾಟದ ವೈರಸ್ ಗಳು ಋತುಮಾನದ ಮಾದರಿಗಳನ್ನು ಅನುಸರಿಸುತ್ತವೆ. ಇನ್ ಫ್ಲುಯೆಂಜಾ ಮತ್ತು ಸಾಮಾನ್ಯ ಶೀತಕ್ಕೆ ಕಾರಣವಾಗುವ ಹಲವು ಬಗೆಯ ಕೊರೋನಾ ವೈರಸ್ ಗಳು ಚಳಿಗಾಲದಲ್ಲಿ ಸಮಶೀತೋಷ್ಣ ವಲಯದಲ್ಲಿ ಉತ್ತುಂಗಕ್ಕೆ ಏರಿದರೆ, ಉಷ್ಣವಲಯದ ಪ್ರದೇಶಗಳಲ್ಲಿ ವರ್ಷಪೂರ್ತಿ ಹರಡುತ್ತವೆ ಎಂದಿದ್ದಾರೆ.
ಫ್ಲೂನಂತಹ ಇತರ ಉಸಿರಾಟದ ವೈರಸ್ ಗಳಿಗೆ ಹೋಲಿಸಿದರೆ, COVID-19 ಹೆಚ್ಚಿನ ಪ್ರಸರಣ ದರವನ್ನು (R0) ಹೊಂದಿದೆ. ಬೇಸಿಗೆಯನ್ನೂ ಲೆಕ್ಕಿಸದೆ ಕೊಲ್ಲಿ ರಾಷ್ಟ್ರಗಳಲ್ಲಿ ಗರಿಷ್ಠ ಜಾಗತಿಕ COVID-19 ಸೋಂಕಿನ ಪ್ರಮಾಣ ದಾಖಲಾಗಿದೆ ಎಂದು ದೋಹಾದಲ್ಲಿರುವ ಕತಾರ್ ವಿಶ್ವವಿದ್ಯಾಲಯದ ಸಹಲೇಖಕ ಡಾ. ಹಾದಿ ಯಾಸಿನೆ ಹೇಳಿದ್ದಾರೆ.
ರೋಗ ನಿರೋಧಕ ಶಕ್ತಿಯನ್ನು ಪಡೆದಾಗ ಮಾತ್ರ ಕೊರೋನಾ ಹಿಮ್ಮೆಟ್ಟಿಸಬಹುದು. ಆಗ ಸಾರ್ವಜನಿಕ ಆರೋಗ್ಯದಲ್ಲಿ ಸಮತೋಲ ಉಂಟಾಗಲು ಸಾಧ್ಯವಿದೆ ಎಂದು ಲೆಬನಾನ್ ನ ಅಮೆರಿಕನ್ ಯೂನಿವರ್ಸಿಟಿ ಆಫ್ ಬೀರುತ್’ನ ಹಿರಿಯ ಲೇಖಕ ಡಾ.ಹಸನ್ ಜಾರಕೇಟ್ ಹೇಳಿದ್ದಾರೆ. ಮಾಸ್ಕ್ ಧರಿಸುವುದು, ದೈಹಿಕ ಅಂತರ ಕಾಪಾಡುವುದು, ಕೈ ಸ್ವಚ್ಛತೆ ಮತ್ತು ಸಭೆಗಳಿಂದ ದೂರವಿರುವುದರಿಂದ ಕೊರೋನಾದಿಂದ ಬಚಾವಾಗಬಹುದು ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಗಾಳಿ ಮತ್ತು ಮೇಲ್ಮೈಗಳಲ್ಲಿ ವೈರಸ್ ನ ಬದುಕುಳಿಯುವಿಕೆ, ಸೋಂಕುಗಳಿಗೆ ಜನರು ತುತ್ತಾಗುವ ಸಾಧ್ಯತೆ, ಮತ್ತು ಒಳಾಂಗಣ ಜನಸಂದಣಿಯಂತಹ ಮಾನವ ನಡವಳಿಕೆಗಳು ತಾಪಮಾನ ಮತ್ತು ಆರ್ದ್ರತೆಯ ಬದಲಾವಣೆಗಳಿಂದಾಗಿ ಋತುಗಳಲ್ಲಿ ವ್ಯತ್ಯಾಸಗೊಳ್ಳುತ್ತವೆ ಎಂದು ಸಂಶೋಧಕರು ಹೇಳಿದ್ದಾರೆ.

ಬೆಂಗಳೂರಿನಲ್ಲಿ 3322, ರಾಜ್ಯದಲ್ಲಿ 8191 ಮಂದಿಗೆ ಕೊರೋನಾ, 101 ಜನ ಸಾವು

ಕೊರೋನಾ ನಿಲ್ಲಲ್ಲ; ಆನ್ಲೈನ್ ಸಂಕಷ್ಟವೂ…

ಮತ್ತಷ್ಟು ಸುದ್ದಿಗಳು

Latest News

ರಾಜಸ್ಥಾನ ತಂಡವನ್ನು ಮಣಿಸಿ ಫೈನಲ್ಸ್ ಗೆ ಎಂಟ್ರಿಕೊಟ್ಟ ಗುಜರಾತ್

newsics.com ಮುಂಬೈ: ರಾಜಸ್ಥಾನ್ ರಾಯಲ್ಸ್ ವಿರುದ್ಧ ನಡೆದ ಐಪಿಎಲ್ 2022ರ ಮೊದಲ ಕ್ವಾಲಿಫಯರ್ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ ತಂಡವು 7 ವಿಕೆಟ್‌ಗಳಿಂದ ಭರ್ಜರಿ ಜಯ ಸಾಧಿಸಿ ಫೈನಲ್ಸ್...

ಬಸ್ ನಿಲ್ದಾಣದಲ್ಲಿ ಮಗು ಸಿಕ್ಕ ಪ್ರಕರಣಕ್ಕೆ ಟ್ವಿಸ್ಟ್ : ತನಿಖೆಯಲ್ಲಿ ಬಯಲಾಯ್ತು ಅಕ್ರಮ ಸಂಬಂಧದ ಅಸಲಿಯತ್ತು

newsics.com ಮೈಸೂರು: ಕಳೆದ 15 ದಿನಗಳ ಹಿಂದೆ ರಾಯಚೂರಿನ ಬಸ್ ನಿಲ್ದಾಣದಲ್ಲಿ ಮಹಿಳೆಯೊಬ್ಬರು ಯುವಕನ ಕೈಗೆ ಮಗುವನ್ನು ಕೊಟ್ಟು ಪರಾರಿಯಾದ ಪ್ರಕರಣ ಇದೀಗ ಹೊಸ ತಿರುವನ್ನೇ ಪಡೆದುಕೊಂಡಿದೆ. ಇದೀಗ ಆ ಮಗು ಆತನದ್ದೇ ಎಂದು...

ಪ್ರವಾಸಿಗರನ್ನು ಸ್ಕೂಬಾ ಡೈವಿಂಗ್ ಗೆ ಹೊತ್ತೊಯ್ದ ದೋಣಿ ಮುಳುಗಡೆ; ಇಬ್ಬರು ಸಾವು

newsics.com ಮಹಾರಾಷ್ಟ್ರ: ಸ್ಕೂಬಾ ಡೈವಿಂಗ್ ವೇಳೆ 20 ಪ್ರವಾಸಿಗರನ್ನು ಹೊತ್ತೊಯ್ಯುತ್ತಿದ್ದ ದೋಣಿಯು ಮುಳುಗಿ ಇಬ್ಬರು ಸಾವನ್ನಪ್ಪಿರುವ ಘಟನೆ ಮಹಾರಾಷ್ಟ್ರದ ಸಿಂಧುದುರ್ಗ ಜಿಲ್ಲೆಯಲ್ಲಿ ನಡೆದಿದೆ. ಅಷ್ಟೇ ಅಲ್ಲದೇ ನಾಲ್ವರ ಸ್ಥಿತಿ ಗಂಭೀರವಾಗಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಮಹಾರಾಷ್ಟ್ರದ...
- Advertisement -
error: Content is protected !!