ಸದನಕ್ಕೆ ಹಾಜರಾಗಲು ಓಡಿದ ಕೇಂದ್ರ ಸಚಿವ!

ನವದೆಹಲಿ: ಕೇಂದ್ರ ಸಚಿವರೊಬ್ಬರು ಸಂಸತ್ ಆವರಣದಲ್ಲಿ ವೇಗವಾಗಿ ಓಡಿದ ಪ್ರಸಂಗ ಬುಧವಾರ ನಡೆದಿದೆ. ಕೇಂದ್ರ ರೈಲ್ವೆ ಸಚಿವ ಪೀಯೂಷ್ ಗೋಯಲ್ ಸದನಕ್ಕೆ ಹಾಜರಾಗಲು ತಡವಾದ್ದರಿಂದ ಕಾರಿನಿಂದ ಇಳಿದವರೇ ಓಡಲಾರಂಭಿಸಿದರು. ಸಚಿವರ ಸಮಯಪ್ರಜ್ಞೆಗೆ ನೆಟ್ಟಿಗರು ಸಂತಸ ವ್ಯಕ್ತಪಡಿಸಿದ್ದು, ಮೀಮ್ಸ್ಗಳ ಮೂಲಕ ಮೆಚ್ಚುಗೆ ಸೂಚಿಸಿದ್ದಾರೆ. ಸಂಸತ್ ನ ಕಾರಿಡಾರ್ ನಲ್ಕಿ ಫೈಲ್ಬಹಿಡಿದು ವೇಗವಾಗಿ ಓಡುತ್ತಿರುವ ಪಿಯೂಷ್ ಗೋಯೆಲ್ ಅವರ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಕೈಯಲ್ಲಿ ಫೈಲ್ ಹಿಡಿದು ಇದನ್ನು ಕಂಡು ನಟ್ಟಿಗರು ಗೋಯೆಲ್ ಅವರನ್ನು “ಬುಲೆಟ್ ಟ್ರೈನ್”ಗೆ ಹೋಲಿಕೆ ಮಾಡಿ ಮೀಮ್ಸ್ಗಳನ್ನು ಹರಿಬಿಟ್ಟಿದ್ದಾರೆ. ಕಾಲೇಜಿಗೆ ವಿಳಂಬವಾದರೆ ನಾನು ಕೂಡ ಹೀಗೆ ಓಡುವುದು ಎಂದು ನೆಟ್ಟಿಗರೊಬ್ಬರು ತಿಳಿಸಿದ್ದರೆ, ಬುಲೆಟ್​ ಟ್ರೈನ್​ಗಿಂತ ವೇಗವಾಗಿ ಓಡುವ ಕೇಂದ್ರ ಸಚಿವರು ಯಾರೆಂದು ಊಹಿಸಿ ಎಂದು ಮತ್ತೊಬ್ಬರು ಪ್ರಶ್ನಿಸಿದ್ದಾರೆ. ಇದರೊಂದಿಗೆ ಕೇಂದ್ರ ಸಚಿವರ ಕೆಲಸ ಪ್ರಜ್ಞೆಗೂ ಧನ್ಯವಾದಗಳನ್ನು ತಿಳಿಸಿದ್ದಾರೆ.