ಅಟ್ಲಾಂಟಾ: ಜೊಜಿಬಿನಿ ತುಂಜಿ ಈ ವರ್ಷದ ಭುವನ ಸುಂದರಿ. ಈಕೆ ದಕ್ಷಿಣ ಆಫ್ರಿಕಾದ ಕೃಷ್ಣ ಸುಂದರಿ.
‘ಮಿಸ್‌ ಇಂಡಿಯಾ’ ವರ್ತಿಕಾ ಸಿಂಗ್ ಸೇರಿ ಟಾಪ್‌ 20 ಸ್ಪರ್ಧಿಗಳನ್ನು ಹಿಂದಿಕ್ಕಿ ತುಂಜಿ ‘ಮಿಸ್‌ ಯೂನಿವರ್ಸ್‌’ ಆಗಿದ್ದಾರೆ.
ಅಮೆರಿಕದ ಅಟ್ಲಾಂಟಾದಲ್ಲಿ ನಡೆದ ಅಂತಿಮ ಸುತ್ತಿನ ಸ್ಪರ್ಧೆಯಲ್ಲಿ ತುಂಜಿ ವಿಜೇತರಾಗಿ ಹೊರಹೊಮ್ಮಿದರು. ಕಳೆದ ವರ್ಷದ ಭುವನ ಸುಂದರಿ ಫಿಲಿಪ್ಪೀನ್ಸ್‌ನ ಕ್ಯಾಟ್ರಿಯೊನಾ ಗ್ರೇ ಅವರು ತುಂಜಿ ಅವರಿಗೆ ಕಿರೀಟ ತೊಡಿಸಿದರು.
ಪೊರ್ಟೊರಿಕದ ಮ್ಯಾಡಿಸನ್‌ ಅಂಡರ್‌ಸನ್‌ ಮೊದಲ ರನ್ನರ್‌ ಅಪ್‌, ಮೆಕ್ಸಿಕೊದ ಆ್ಯಶ್ಲೆ ಅಲ್ವಿಡ್ರೆಜ್‌ ಎರಡನೇ ರನ್ನರ್‌ ಅಪ್‌ ಆಗಿ ಹೊರಹೊಮ್ಮಿದ್ದಾರೆ. ಭಾರತದ ವರ್ತಿಕಾ ಸಿಂಗ್ ಟಾಪ್‌ 10 ರಲ್ಲೂ ಕಾಣಲಿಲ್ಲ.
”ಭುವನ ಸುಂದರಿ ಪಟ್ಟ ಹಲವು ಚೆಲುವೆಯರ ಕನಸು. ನನಗೀಗ ಆ ಅದೃಷ್ಟ ಒಲಿದುಬಂದಿದೆ. ಖುಷಿಯಾಗುತ್ತಿದೆ” ಎಂದು ತುಂಜಿ ಟ್ವೀಟ್‌ ಮಾಡಿದ್ದಾರೆ.
ಕಪ್ಪು ಸುಂದರಿ ತುಂಜಿ ಈಗ ಭುವನ ಸುಂದರಿ
Follow Us
