* ಬೆಲೆ ಏರಿಕೆ ಖಂಡಿಸಿ ಮದುಮಗಳ ಪ್ರತಿಭಟನೆ

ಲಾಹೋರ್: ಆರ್ಥಿಕ ದುಸ್ಥಿತಿಯಲ್ಲಿರುವ ಪಾಕಿಸ್ತಾನದಲ್ಲಿ ಈಗ ಟೊಮೇಟೋ ದರ ತೀರಾ ದುಬಾರಿಯಾಗಿದ್ದು, ಈ ದರ ಏರಿಕೆ ಖಂಡಿಸಿ ಗುರುವಾರ ಹಸೆಮಣೆಯೇರಿದ ವಧುವೊಬ್ಬರು ಚಿನ್ನದ ಬದಲಿಗೆ ಟೊಮೇಟೋ ಸರವನ್ನೇ ಧರಿಸಿ ಗಮನ ಸೆಳೆದಿದ್ದಾರೆ. ಪಾಕಿಸ್ತಾನದಲ್ಲಿ ಈಗ ಒಂದು ಕೆಜಿ ಟೊಮೇಟೊ ಬೆಲೆ 300-400 ರೂಪಾಯಿಗಳಾಗಿವೆ. ಇದರಿಂದ ಜನಸಾಮಾನ್ಯರು ಕಂಗೆಟ್ಟಿದ್ದಾರೆ. ಟೊಮೇಟೊ ಬೆಲೆ ಏರಿಕೆಯನ್ನು ಖಂಡಿಸಿದ ಈ ಮದುಮಗಳು ಟೊಮೇಟೊಗಳನ್ನೇ ಆಭರಣವನ್ನಾಗಿ ಬಳಸಿ ಮದುವೆಯಾಗುವುದರ ಮೂಲಕ ಸರ್ಕಾರದ ವಿರುದ್ಧ ಪ್ರತಿಭಟಿಸಿದ್ದಾಳೆ ಎಂದು ಪಾಕ್ ಮಾಧ್ಯಮಗಳು ವರದಿ ಮಾಡಿವೆ.