ಟೆಹರಾನ್ ನಲ್ಲಿ ಸೊಲಿಮನಿ ಪಾರ್ಥಿವ ಶರೀರದ ಮೆರವಣಿಗೆ: ಲಕ್ಷಾಂತರ ಮಂದಿಯಿಂದ ಅಮೆರಿಕ ವಿರೋಧಿ ಘೋಷಣೆ

ಟೆಹರಾನ್: ಬಾಗ್ದಾದ್ ನಲ್ಲಿ ಅಮೆರಿಕ ನಡೆಸಿದ ವೈಮಾನಿಕ ದಾಳಿಯಲ್ಲಿ ಸಾವನ್ನಪ್ಪಿದ ಇರಾನ್ ಸೇನಾ ಕಮಾಂಡರ್ ಖಾಸೀಂ ಸೊಲಿಮನಿ ಪಾರ್ಥಿವ ಶರೀರದ ಮೆರವಣಿಗೆ ಟೆಹರಾನ್ ನಲ್ಲಿ ನಡೆಯಿತು. ಲಕ್ಷಾಂತರ ಮಂದಿ ಈ ಮೆರವಣಿಗೆಯಲ್ಲಿ ಭಾಗವಹಿಸಿದರು. ಅಮೆರಿಕ ವಿರೋಧಿ ಘೋಷಣೆ ಕೂಗಿದ ಪ್ರತಿಭಟನಾಕಾರರು, ಅಮೆರಿಕಕ್ಕೆ ಪ್ರತ್ಯುತ್ತರ ನೀಡುವುದಾಗಿ ಹೇಳಿದರು. ಇದೇ ವೇಳೆ ಅಮೆರಿಕದ ಸೈನಿಕರ ಮೇಲೆಯೂ ದಾಳಿ ನಡೆಸಲಾಗಿದೆ ಎಂಬ ವರದಿಗಳಿವೆ.