ಟ್ರಂಪ್ ವಿರುದ್ಧ ಮಹಾಭಿಯೋಗಕ್ಕೆ ಸಿದ್ಧತೆ

ವಾಷಿಂಗ್ಟನ್: ಅಧಿಕಾರ ದುರ್ಬಳಕೆ ಆರೋಪ ಹೊತ್ತಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ವಿರುದ್ಧ ಮಹಾಭಿಯೋಗದ ಕರಡು ಸಿದ್ಧಪಡಿಸುವಂತೆ ಸೂಚಿಸಲಾಗಿದೆ.
ಹೌಸ್ ಆಫ್ ರೆಪ್ರಿಸೆಂಟಟಿವ್ಸ್​ನ (ಅಮೆರಿಕ ಸಂಸತ್​ನ ಕೆಳಮನೆ) ಸ್ಪೀಕರ್ ನಾನ್ಸಿ ಪೆಲೋಸಿ ಸದನದ ನ್ಯಾಯಾಂಗ ಸಮಿತಿಗೆ ಈ ಸೂಚನೆ ನೀಡಿದ್ದಾರೆ.
ಈ ಅಗ್ನಿಪರೀಕ್ಷೆಯಲ್ಲಿ ಜಯ ಸಾಧಿಸುವುದಾಗಿ ಡೊನಾಲ್ಡ್ ಟ್ರಂಪ್ ಟ್ವೀಟ್ ಮಾಡಿದ್ದಾರೆ.
ಡೆಮಾಕ್ರಟಿಕ್ ಪಕ್ಷದ ನಾಯಕ ಜೋ ಬಿಡೆನ್ ಉಕ್ರೇನ್​ನಲ್ಲಿ ವಾಣಿಜ್ಯೋದ್ದಮ ಹೊಂದಿದ್ದು, ಅದರ ವಿರುದ್ಧ ತನಿಖೆ ನಡೆಸುವಂತೆ ಉಕ್ರೇನ್ ಅಧ್ಯಕ್ಷರ ಮೇಲೆ ಒತ್ತಡ ತಂದಿದ್ದರು ಎಂಬ ಆಪಾದನೆ ಟ್ರಂಪ್ ಮೇಲಿದೆ.