ತೊಟ್ಟಿಲಲ್ಲಿ ಮಲಗಿದ್ದ ಕಂದಮ್ಮನನ್ನು ಕೊಂದ ಬೆಕ್ಕು

ಮಾಸ್ಕೊ: ಬೆಕ್ಕೆ ಬೆಕ್ಕೆ ಮುದ್ದಿನ ಸೊಕ್ಕೆ… ಎಂಬ ಹಾಡನ್ನು ನಾವು ಕೇಳಿದ್ದೇವೆ. ಅಂತಹುದೇ ಸೊಕ್ಕಿದ ಮುದ್ದಿನ ಬೆಕ್ಕೊಂದು ತೊಟ್ಟಿಲಲ್ಲಿ ಮಲಗಿದ್ದ ಮಗುವನ್ನೇ ಉಸಿರುಗಟ್ಟಿಸಿ ಸಾಯಿಸಿದೆ.
ಉಕ್ರೇ­ನ್‌ ನ ಕೀವ್‌ ನಗರ ಹೊರವಲಯದ ಪುಟ್ಟ ಗ್ರಾಮದ ಮನೆಯೊಂದರಲ್ಲಿ ತೊಟ್ಟಿಲಲ್ಲಿ ನಿದ್ರಿಸುತ್ತಿದ್ದ 9 ತಿಂಗಳ ಎಳೆಯ ಕಂದಮ್ಮನ ಮುಖದ ಮೇಲೆ ಮಲಗಿದ ಬೆಕ್ಕು ಮಗುವನ್ನು ಉಸಿರುಗಟ್ಟಿಸಿ ಸಾಯಿಸಿದೆ.
ಮಗುವನ್ನು ತೊಟ್ಟಿಲಲ್ಲಿ ಮಲ­ಗಿಸಿದ ತಾಯಿ ಸ್ನೇಝನಾ ಮನೆ­ಗೆಲಸದಲ್ಲಿ ತೊಡಗಿದ್ದಳು. ಕೆಲಸ ಮುಗಿಸಿ ಮಗುವಿನ ಬಳಿ ಬಂದ ತಾಯಿ ತೊಟ್ಟಿಲಲ್ಲಿ ಮಗುವಿನ ಬದಲು ಬೆಕ್ಕನ್ನು ಕಂಡು ಬೆದರಿದರು. ಅವಸರದಲ್ಲಿ ಬೆಕ್ಕನ್ನು ಓಡಿಸಿ ಮಗುವನ್ನು ಎತ್ತಿಕೊಂಡರು. ಆದರೆ, ಆ ವೇಳೆಗಾಗಲೇ ಮಗುವಿನ ಉಸಿರು ನಿಂತುಹೋಗಿತ್ತು.